Спальваць нельга, выкідаць у сметнік — таксама. Што рабіць з лістотай у двары?
Увосень, калі гарадскія вуліцы і дачныя ўчасткі ўсыпаныя дыванамі з лістоты, узнікае пытанне, куды падзець апалае лісце? Бо далёка не ўсе спосабы законныя. Smartpress піша, як абыходзіцца з лістотай правільна, паводле беларускіх правіл.
Як іх правільна ўтылізаваць
Уладальнікі зямельных участкаў мусяць свае раслінныя адходы:
кампаставаць;
вывозіць у межах асобнай паслугі. Для гэтага неабходна заключыць дамову з юрыдычнымі асобамі, якія займаюцца жыллёва-камунальнымі паслугамі, або арганізацыямі, якія займаюцца камунальнымі адходамі.
А вось выкідваць раслінныя адходы ў кантэйнеры для другасных рэсурсаў нельга!
Жыхары шматкватэрных дамоў, калі іх прыдамавая тэрыторыя перададзеная ў арэнду таварыству ўласнікаў, таксама павінны кіравацца гэтым правілам.
Раслінныя адходы ў гэтым выпадку вывозяцца ў межах асобных дамоў паводле заявак упаўнаважаных асоб таварыства ўласнікаў.
Ці можна спаліць?
Спальванне лістоты на двары або на дачы парушае санітарныя нормы і правілы пажарнай бяспекі. Пры гарэнні выдзяляюцца канцэрагены, дым забруджвае паветра і можа прывесці да ўзгарання.
За парушэнне гэтых правіл прадугледжаны штраф паводле артыкула 15.63 КаАП — да 30 базавых велічынь (да 1260 рублёў).
Прыродаахоўныя інспекцыі нагадваюць: «Спальваць апалае лісце ў населеных пунктах забаронена». Гэта датычыць і індывідуальных участкаў, і садовых таварыстваў.
Ці можна вывезці ў лес?
Многія лічаць, што калі лісце перагнівае, то і шкоды прыродзе не будзе. На справе ўсё інакш.
Лістота, сабраная ў горадзе, змяшчае пыл, цяжкія металы і часціцы ад выхлапных газаў. Высыпаць яе ў лесе — значыць уносіць забруджванне ў прыродную экасістэму.
Акрамя таго, паводле закона размяшчаць адходы (у тым ліку арганічныя) можна толькі ў спецыяльна адведзеных месцах. Сметнік лістоты ў лесе — гэта адміністрацыйнае правапарушэнне. Да 10 базавых велічынь (420 рублёў) давядзецца заплаціць, калі вы вырашылі, што лясны масіў — гэта найлепшае месца для вашых раслінных адходаў.
Цяпер чытаюць
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі6
Каментары