Мінчанка аддала махлярам усе грошы, але сфатаграфавала 85‑гадовага кур'ера
Напярэдадні 69‑гадовай жанчына на хатні тэлефон патэлефанавалі нібыта супрацоўнікі камунальнай службы і дазналіся нумар пенсійнага пасведчання.
Пасля на відэасувязь выйшаў псеўдаправаахоўнік. Ён напалохаў жанчыну крымінальнай адказнасцю за разгалошванне даных і запатрабаваў задэклараваць грашовыя зберажэнні, каб іх не канфіскавалі падчас вобшуку, паведамляе «Міліцыя Мінска».
Мінчанка паверыла аферыстам, загарнула ў пакет 25 000 рублёў і перадала «даверанай асобе з Нацыянальнага банка». Але перад гэтым сфатаграфавала кур’ера.
Пасля перадачы грошай махляры перасталі выходзіць на сувязь.
Па фотаздымку сышчыкі Фрунзенскага РАУС усталявалі і затрымалі кур’ера — 85‑гадовую мінчанку. Высветлілася, што жанчына сама стала ахвярай аферыстаў па такой жа схеме і пералічыла свае грошы на «бяспечны рахунак». А потым пагадзілася дапамагчы іншай пацярпелай пенсіянерцы: забрала яе грошы і па ўказанні махляроў пакінула іх у сметніку для наступнага кур’ера.
Заведзена крымінальная справа за махлярства.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта15
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары