Свет22

Пасля сустрэчы Трампа з аш-Шараа Сірыя абвясціла, што далучыцца да кааліцыі па барацьбе з «Ісламскай дзяржавай»

Заява аб планах сірыйскіх улад была зроблена пасля сустрэчы прэзідэнта Дональда Трампа з прэзідэнтам Сірыі Ахмедам аш-Шараа ў Белым доме

Фота: Syrian Presidency press office via AP

Сірыя мае намер далучыцца да міжнароднай кааліцыі па барацьбе з групоўкай «Ісламская дзяржава», пацвердзіў высокапастаўлены супрацоўнік адміністрацыі прэзідэнта ЗША, піша Бі-бі-сі.

Заява аб планах сірыйскіх улад была зроблена пасля сустрэчы прэзідэнта Дональда Трампа з прэзідэнтам Сірыі Ахмедам аш-Шараа ў Белым доме, якая адбылася ў панядзелак.

Сірыя стане 90‑й краінай, што далучылася да шырокай міжнароднай кааліцыі па барацьбе з ІД, мэта якой — ліквідаваць астатнія элементы «Ісламскай дзяржавы» і спыніць прыток замежных баевікоў на Блізкі Усход.

У інтэрв’ю праграме Special Report на канале Fox News аш-Шараа заявіў, што гэты візіт азнаменаваў пачатак «новай эры», у якой яго краіна будзе супрацоўнічаць з ЗША. Трамп, у сваю чаргу, выказаў падтрымку аш-Шараа.

Гэта ўжо трэцяя сустрэча двух лідараў пасля майскай сустрэчы на палях Савета супрацоўніцтва арабскіх дзяржаў Персідскага заліва і вячэры ў рамках сесіі Генеральнай Асамблеі ААН у верасні.

Візіт аш-Шараа ў Белы дом азначае моцнае змяненне ўспрымання і іміджу былога джыхадзіста. Яшчэ нядаўна ён узначальваў групоўку «Хаят Тахрыр аш-Шам», якая была створана на базе аднаго з аддзяленняў «Аль-Каіды». Групоўка пад кіраўніцтвам аш-Шараа ў канцы мінулага года ўзначаліла наступленне ў Сірыі, у выніку якога быў зрынуты рэжым Башара Асада.

«Хайят Тахрыр аш-Шам» улады ЗША афіцыйна лічылі тэрарыстычнай арганізацыяй — толькі ў ліпені гэтага года яна была выключана са спісу такіх арганізацый.

Каментары2

  • ::
    11.11.2025
    Агент Моссада хорош.
  • усім былым і дзейным ігілаўцам
    11.11.2025
    прадпісана з'явіцца ў паліцыю
    і напісаць заяву аб прыеме на дзяржслужбу.

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку21

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

У Сенненскім раёне прадаюць з аўкцыёна старадаўнюю паштовую станцыю1

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС26

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку21

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць