Усе краіны Еўропы рыхтуюцца да магчымай вайны з Расіяй, і Сербіі ў гэтай сітуацыі неабходна ўмацоўваць уласную абараназдольнасць, заявіў сербскі прэзідэнт Аляксандр Вучыч.
«Па меры таго, як я аналізую факты, я прыходжу да высновы, што вайна паміж Еўропай і Расіяй становіцца ўсё больш відавочнай. Гэта не пустая навіна. Усе да яе рыхтуюцца», — сказаў Вучыч у эфіры тэлеканала Pink.
Так ён пракаментаваў заяву начальніка Галоўнага штаба Узброеных сіл Францыі Фаб’ена Мандона аб тым, што французская армія павінна быць гатовая да сутыкнення з Расіяй «праз тры—чатыры гады».
Вучыч назваў Мандона «надзвычай адказным генералам». Пры гэтым, па яго словах, Сербія гэтай абстаноўцы аказалася «паміж малатком і кавадлам».
«Мы павінны працягваць умацоўваць армію. Мы ўзбройваемся з розумам. Нам трэба працягваць укладваць вялікія сродкі, каб абараніць нашу краіну», — падсумаваў Вучыч.
Цяпер чытаюць
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы1
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары