На другім энергаблоку Беларускай атамнай электрастанцыі 13 лістапада пачынаецца планавы прафілактычны рамонт. Пра гэта паведаміла прэс-служба Міністэрства энергетыкі.
Такія работы штогод праводзяцца на ўсіх атамных станцыях у адпаведнасці з рэгламентам, каб забяспечыць стабільную і бяспечную працу абсталявання.
Падчас рамонту спецыялісты правядуць тэхнічнае абслугоўванне, дыягностыку і рамонт асноўных сістэм і вузлоў станцыі. Таксама будзе правераны стан металу і зварачных швоў на абсталяванні і трубаправодах.
Адна з галоўных частак работ — замена адпрацаванага ядзернага паліва на новае. У актыўную зону рэактара плануюць загрузіць каля 25% свежых паліўных зборак.
Работы будуць выконваць супрацоўнікі БелАЭС разам з іншымі беларускімі і расійскімі спецыялістамі.
Другі энергаблок Беларускай АЭС быў уведзены ў прамысловую эксплуатацыю 1 лістапада 2023 года і за гэты час выпрацаваў каля 18,5 мільярда кілават-гадзін электраэнергіі.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ2
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
"Вы нас возвращаете к этим технологиям" (с) Лукашенко
Калі і дзе ў Беларусі РФ укладалася ў:
1. здабычу урана
2. сепарацыю ізатопаў урана
3. вытворчасць твэлаў з розным узбагачэннем па U235?
І іншыя эканамічныя пытанні:
1. Колькі электраэнэргіі прададзена?
2. Колькі каштуе імпарт твэлаў для кожнага планавага папераджальнага рамонта?
Трошкі гісторыі:
Электрахімічны камбінат у Верх Нейвінску пад Екацярынбургам будаваўся сіламі калі 20 000 зняволеных ГУЛАГа. Такім чалавечым рэсурсам можна было б выкапаць усю маскоўскую сетку метрапалітэна.
Газавыя цэнтрыфугі камбіната спажывалі ільвіную долю электраэнергіі ГРЭС, пабудаванай менавіта для камбіната, які раздзяляе ізатопы урана. Гэта было пры планавай эканоміцы, патрэбен быў уран для вырабу плутоніевых бомб. Грошы проста укідваліся у ВПК.
"У нас правда излишек энергии образовался, но ничего - потребим" (с) Лукашенко
Крыптавалюты намайнім?!