Спецыялісты кажуць, што падстаў для трывогі няма.
7 кастрычніка раніцай нават з цэнтра Вільні людзі бачылі вялікі слуп пары (ці, як многім здавалася, дыму), які падымаўся ў неба з боку беларускай мяжы, дзе знаходзіцца Астравецкая АЭС.
Устрывожаныя, яны звярталіся ў розныя інстанцыі, пытаючыся, ці не здарылася чаго небяспечнага. Але спецыялісты іх супакоілі: сёння проста было такое надвор'е, што гэтая пара была далёка бачная, але ўвогуле для атамнай энергетыкі такая з'ява звычайная.
«Жыхары гавораць, што часам бачаць белы дым, а дакладней вадзяную пару над градзірняй Беларускай АЭС.
Гэтая пара азначаюць, што энергаблокі Беларускай АЭС працуюць і вырабляюць электраэнергію. Адзначым, што падчас эксплуатацыі атамнай электрастанцыі ў тэхналагічным працэсе цёплая вада астуджаецца і выпараецца ў градзірнях, таму з іх і падымаецца вадзяная пара.
Пры нармальнай працы пара, бачная над градзірняй, не з'яўляецца радыеактыўнай і, такім чынам, не складае небяспекі для насельніцтва і навакольнага асяроддзя», — тлумачыць на сваім сайце літоўская Дзяржаўная інспекцыя бяспекі атамнай энергетыкі.
Падобнае тлумачэнне дае таксама Цэнтр радыяцыйнай бяспекі, які адзначае, што ніякага павышэння радыяцыйнага фону на тэрыторыі Літвы і Вільні ён не адзначае.
Тым часам дырэктар Беларускай АЭС Сяргей Бабовіч у інтэрв'ю тэлеканалу СТБ паведаміў, што спачатку другі, а пасля і першы блок электрастанцыі ў лістападзе павінны зноў стаць на планавы рамонт:
«У сярэдзіне наступнага месяца, у лістападзе, у нас планава-папераджальны рамонт другога блока. Гэта будзе другі планава-папераджальны рамонт, мы плануем завяршыць яго да канца года, зойдзем трошкі ў студзень, потым уключым яго ў сетку. За гэты час зробім частковую замену паліва, чвэрць паліва ў нас ідзе пад замену. Пасля таго як уключым другі блок, пад капітальны рамонт пойдзе блок нумар адзін».
Лукашэнка заявіў пра магчымасць будаўніцтва АЭС на ўсходзе Беларусі
Беларуская АЭС вырабіла 50 млрд кВт·г электраэнергіі
Лукашэнка абяцае кітайцам пабудаваць другую АЭС для іх цяпліц, а зарабляць на кветках і гародніне будуць Баскаў з Цяцерыным
У Беларусі амаль скончылі рабіць абгрунтаванне для будаўніцтва другой АЭС
Другі энергаблок БелАЭС адключылі ад сеткі з-за спрацоўвання сігналізацыі
Цяпер чытаюць
Пракуратура пра смерць Мелказёрава: журналіст меў хранічную хваробу8
Каментары