Келаг: Я думаю, мы зможам падштурхнуць да пагаднення ўкраінцаў, а потым расіян
Спецыяльны пасланнік прэзідэнта ЗША Дональда Трампа па пытаннях Украіны Кіт Келаг адзначае, што рамачнае пагадненне не з'яўляецца канчатковым, але яно рэальнае для падпісання Украінай і Расіяй, піша «Украінская праўда».
«Рамачнае пагадненне існуе для таго, каб прыйсці да высновы… Я думаю, што мы можам падштурхнуць да гэтага ўкраінцаў, а пазней і расіян. Гэта добры план. Ёсць у ім моманты, якія трэба дакладна кадыфікаваць і крыху больш падрабязна растлумачыць, але мы ўжо амаль дасягнулі мэты», — сказаў Келаг.
Келаг дадаў, што Зяленскі можа прыехаць у ЗША, каб падпісаць гэтае пагадненне, «але гарантый няма».
Ён сказаў, што выбары ў плане, каб «супакоіць украінцаў і свабодны свет».
«У плане ёсць яшчэ адзін момант, які, на маю думку, таксама з'яўляецца важным, а менавіта правядзенне выбараў. У плане дакладна пазначана, што Украіна павінна правесці выбары на працягу 100 дзён.
Мяркуючы па тым, што мне расказалі людзі, з якімі я кантактаваў, гэта можна зрабіць прыкладна за 90 дзён, гэта будзе цікавы працэс. Я лічу, што выбары неабходныя, каб супакоіць народ і супакоіць свабодны свет, гэта адна з умоў плана».
У ноч на 21 лістапада амерыканскія СМІ апублікавалі 28 пунктаў новага «мірнага плана» ЗША, які перадалі на азнаямленне Украіне. Па даных СМІ, Зяленскі і Трамп могуць абмеркаваць «мірны план» на наступным тыдні.
Таксама СМІ паведамілі, што ў Еўропе рыхтуюць свой праект «мірнага плана», больш справядлівы для Украіны.
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска1
Каментары