У Расіі аб'явілі ў вышук былога прадзюсара гурта «Ласкавы май» Андрэя Разіна
62‑гадоваму Андрэю Разіну выстаўлена абвінавачванне ў шматмільённым махлярстве. Пра гэта паведаміў ягоны адвакат.
Крымінальную справу супраць прадзюсара надзвычай папулярнага на мяжы 1980‑х і 1990‑х гадоў гурта «Ласкавы май» распачалі яшчэ ў 2024 годзе, а абвінавачванне выставілі толькі цяпер.
Сцвярджаецца, што Андрэй Разін заключыў фіктыўны кантракт з паэтам Сяргеем Кузняцовым, дзякуючы яму прадзюсар атрымліваў аўтарскія налічэнні за хіты памерлага ў 2022 годзе былога галоўнага саліста «Ласкавага мая» Юрыя Шатунова.
За падробленыя дакументы і іншыя «каламутныя» схемы абвінавачанаму пагражае пакаранне па артыкуле «Махлярства», які прадугледжвае пазбаўленне волі ад 2 да 10 гадоў.
Пэўныя старонкі біяграфіі Андрэя Разіна былі звязаныя і з Беларуссю. Так, у 1990 годзе, на ўздыме папулярнасці «Ласкавага мая» тады 27‑гадовы Разін пазнаёміўся з 62‑гадовым генеральным канструктарам МАЗа Міхаілам Высоцкім. Нягледзячы на розніцу ва ўзросце, паміж імі завязаліся вельмі цёплыя стасункі: музыкант пачаў называць канструктара татам, а ягоную жонку — мамай.
Першым вынікам сяброўства стала стварэнне ўсяго за тры месяцы на Мінскім аўтазаводзе спецыяльна для патрэб «Ласкавага мая» ўнікальнага грузавіка, які атрымаў назву «Шасі 0000001».
Сяброўства Разіна і Міхаіла Высоцкага, які пазней атрымаў ад Лукашэнкі званне Героя Беларусі, працягвалася да смерці апошняга ў 2013 годзе. Гурт за гэты час даў больш за 50 канцэртаў для супрацоўнікаў завода, а Разін неаднаразова прыязджаў на радзіму Высоцкага на Капыльшчыну.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м2
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1111
Каментары