Кантакты з прадстаўнікамі адміністрацыі ЗША адбываюцца штотыднёва, заявіў «Першаму інфармацыйнаму» пастаянны прадстаўнік Беларусі ў ААН Валянцін Рыбакоў.
Валянцін Рыбакоў, які рэгулярна прысутнічае на беларуска-амерыканскіх перагаворах у Палацы Незалежнасці, даў інтэрв'ю дзяржаўнаму тэлебачанню з гэтай нагоды. Адразу ён публічна запэўніў, што дружба з амерыканцамі не зашкодзіць дружбе з Расіяй.
«Вельмі часта мне даводзілася адказваць на пытанне аб тым, ці спрабуюць амерыканцы нейкім чынам паўплываць на нас у нашых узаемаадносінах з Расіяй. Я магу вас запэўніць, я на многіх падобных перамовах быў, пра гэта ніколі не заходзіла гаворка. Ні разу не было ніякіх спробаў нейкім чынам нас з Расіяй адзін аднаму супрацьпаставіць, пасварыць і гэтак далей. Цяперашняя амерыканская адміністрацыя зыходзіць з таго, што ў нас абсалютна цесныя, цёплыя, сяброўскія, роднасныя, саюзніцкія адносіны з Расійскай Федэрацыяй, і ніякіх спробаў умяшацца ў гэтыя ўзаемаадносіны ніколі не было, і я думаю, ніколі не будзе».
Адказваючы на пытанне, чаго хочуць амерыканцы ў адносінах з Беларуссю, Валянцін Рыбакоў сказаў, што на гэтых перагаворах спадар Коўл заявіў «абсалютна адкрыта» на сустрэчы з Аляксандрам Лукашэнкам, што канчатковая мэта, якую ён і Адміністрацыя ЗША перад сабой ставяць, — поўная нармалізацыя беларуска-амерыканскіх адносін.
«У гэтае паняцце ўваходзіць абсалютна ўсё: палітычныя, эканамічныя адносіны, бізнэс, які мы можам супольна развіваць, культура. Гэта сапраўды ўключае ў сябе ўсё абсалютна», — сказаў ён.
Гаворачы аб тым, што будзе адбывацца далей, пастаянны прадстаўнік Беларусі ў ААН адзначыў, што публічных заяў і дзеянняў можа не быць, іх проста не бачна. З ягоных слоў, гэта не азначае, што праца не праводзіцца.
«Паверце мне, сустрэчы з прадстаўнікамі амерыканскіх уладаў адбываюцца практычна штотыдзень. У Вашынгтоне мы абмяркоўваем усе пытанні, якія ў нас стаяць на парадку дня, рыхтуем наступныя сустрэчы, наступныя крокі, якія абодва бакі павінны зрабіць на шляху да поўнай нармалізацыі нашых двухбаковых адносін, — запэўніў дыпламат. Пасля вяртання ў Нью-Ёрк мы дамовіліся, што правядзём чарговую сустрэчу, пазначым наступныя крокі, бо ёсць што рабіць, ёсць да чаго імкнуцца».
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Можно только добавить, что развитие отношений США и РБ будет объективно мешать стать РБ субъектом федерации РФ. И учитывая возраст первого и последнего президента РБ это немаловажно.