У інтэрв’ю амерыканскаму тэлеканалу Newsmax Аляксандр Лукашэнка выказаўся на тэму магчымага ўрэгулявання адносін ЗША і Венесуэлы
Лукашэнка заявіў, што, калі б венесуэльскі лідар сам захацеў пераехаць у Беларусь, для яго тут не было б ніякіх перашкод. Аднак у той жа час нібыта такога пытання ніколі не ўзнікала і размовы пра гэта не вяліся.
«Пакуль нічога не адбываецца, але я бачу цікавасць Злучаных Штатаў Амерыкі да Венесуэлы. Разумею Трампа ў многім, таму што Венесуэла побач, як Украіна побач з Расіяй. Таму там ёсць цікавасць па многіх пытаннях. Абсалютна перакананы, што ўсе пытанні, усе пажаданні Злучаных Штатаў Амерыкі можна сёння вырашыць абсалютна мірным шляхам. Я думаю, што ў найбліжэйшы час нам удасца на гэтую тэму пагаварыць з Дональдам Трампам, і я яму шмат чаго цікавага скажу. Вайна ні да чаго не прывядзе. Учора я Джону Коўлу пра гэта казаў. Гэта, я яму сказаў, будзе другі В'етнам. Вам ён патрэбны? Не патрэбны. Таму не трэба там ваяваць. Там можна дамовіцца», — заявіў Лукашэнка.
Лукашэнка дадаў, што ведае Мадура «з дзяцінства» і ніколі не гаварыў з ім пра ўцёкі ў Беларусь.
«Таму вось гэтыя ўсе пустыя размовы, я бачу іх, журналістаў на тэму таго, што мы з Мадура дамовіліся, што ён з'едзе ў Беларусь і тут будзе жыць. Ніколі, Грэта, на гэтую тэму з Мадура мы не размаўлялі. Мы больш з амерыканцамі з нагоды Венесуэлы, калі ўжо адкрыта казаць, размаўляем, чым з Мадура з нагоды там яго адстаўкі і нейкіх дзеянняў», — сказаў ён.
Па словах Лукашэнкі, Мадура — не той чалавек, які здольны ўсё кінуць і збегчы. Гэта, паводле яго слоў, моцны, прынцыповы і ўраўнаважаны чалавек, паслядоўнік ідэй Уга Чавеса, з якім можна весці дыялог і дамаўляцца.
«Мадура застаўся зусім адзін». Ці прыйдуць на дапамогу Венесуэле яе шматгадовыя саюзнікі?
Праз два тыдні Лукашэнка зноў сустрэўся з паслом Венесуэлы ў Расіі
Коўл пра перамовы з Лукашэнкам: Гаварылі пра будучыню і пра тое, як нармалізаваць адносіны
ЗША неўзабаве пачнуць наземныя ўдары па аб’ектах наркакартэляў у Венесуэле
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача42
Каментары