У Мінску міліцыя затрымала кур’ерку махляроў і вярнула грошы пенсіянерцы
69‑гадовая мінчанка звярнулася ў міліцыю пасля таго, як стала ахвярай ашуканцаў. Спачатку ёй патэлефанавалі невядомыя, якія прадставіліся супрацоўнікамі службы дамофонаў. Пад выглядам замены ключоў яны выманілі ў жанчыны пашпартныя звесткі, а пасля гісторыя атрымала працяг.
Пазней у месенджары пажылой жанчыне патэлефанавалі ўжо нібыта сілавікі. Яны запалохалі пенсіянерку тым, што яе асабістыя даныя нібыта выкарыстоўваюцца для незаконных фінансавых аперацый, а таму пад пагрозай вобшуку пераканалі «задэклараваць» усе наяўныя грошы, абяцаючы потым іх вярнуць.
Жанчына паверыла і перадала кур’ерцы 18 тысяч даляраў.
Супрацоўнікі міліцыі высветлілі, што грошы забрала 58‑гадовая мінчанка, якая сама раней трапіла ў пастку махляроў. Яна паверыла, што яе кватэру нібыта прадалі, узяла крэдыт, пералічыла аферыстам буйную суму, а пасля стала выконваць ролю кур’еркі.
Па заданні куратара яна забірала грошы ў пенсіянераў для нібыта далейшага дэкларавання і павінна была вывезці іх у суседнюю краіну. Аднак зрабіць гэтага не паспела — жанчыну затрымалі. Грошы канфіскавалі і вярнулі законнай уладальніцы.
Па факце здарэння завялі крымінальную справу.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары