Як стала вядома «Белсату», польская пракуратура пачала расследаванне смерці журналіста Мікіты Мелказёрава паводле артыкула аб ненаўмысным забойстве. Такі артыкул выкарыстоўваюць заўсёды, калі прычыну смерці яшчэ не выявілі.
Прэс-сакратар Акруговай пракуратуры Варшавы Пётр Антоній Скіба паведаміў «Белсату», што сёння пачалося расследаванне справы аб ненаўмысным забойстве:
«Гэта традыцыйная фармулёўка, якая даецца ў сітуацыях, калі прычына смерці невядомая. Будзе праведзенае анатамаванне — мы не ведаем, калі дакладна, магчыма, гэта будзе яшчэ да Калядаў. Не выключаю, што паспеюць да Новага года».
Чыноўнік адзначыў, што праваахоўныя органы будуць абнародаваць толькі тыя звесткі ў гэтай справе, якія адпавядаюць інтарэсам сям'і нябожчыка:
«Цела ў цяперашні момант застаецца ва Установе судовай медыцыны Варшаўскага медычнага ўніверсітэта, і гэты аб’ект будзе выконваць ускрыццё. З увагі на зацікаўленасць медыяў мы будзем імкнуцца абнародаваць звесткі, якія не супярэчаць інтарэсам сям'і загінулага. Далейшыя працэсуальныя дзеянні залежаць ад вынікаў судова-медыцынскай экспертызы. Усё залежыць ад таго, што стане вядома пасля ўскрыцця».
Звычайна анатамаванне праводзіцца цягам двух тыдняў.
«Магчыма, вынікі з’явяцца раней. Мы ўжо тэлефанавалі ў судмедэкспертызу з просьбай, каб зрабілі ўсё як мага хутчэй», — сказаў Скіба.
Ён таксама паведаміў, што пакуль у сувязі са смерцю была апытаная толькі ўдава Мікіты і што галоўная версія следства цяпер — негвалтоўная смерць:
«На гэтым этапе мы бярэм пад увагу, што смерць магла адбыцца з натуральных прычын, але ўсё гэта праверым шляхам паслядоўнага збору доказавага матэрыялу».
Мікіту Мелказёрава пакажуць у навагоднім канцэрце «Белсата»
У свой апошні дзень Мікіта Мелказёраў паспеў запісаць яшчэ адно інтэрв'ю
«Нячасты прыклад таго, як прыйсці да беларушчыны ў дарослым веку». Беларусы згадваюць Мікіту Мелказёрава
Чым запомніўся Мікіта Мелказёраў — самы папулярны беларускі інтэрв'юер
Раптоўна памёр папулярны блогер Мікіта Мелказёраў
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза25
Каментары