17‑гадовая студэнтка з Крыма паехала на спатканне — і яе забілі. Падазраюць расійскага вайскоўца, які паспеў паваяваць на «СВА»
Цела дзяўчыны знайшлі ў полі, забойца спрабаваў яго спаліць.
4 студзеня ў анексаваным Крыме знікла 17‑гадовая Эльвіна Краўчанка, жыхарка вёскі Мар’іна Джанкойскага раёна.
Дзяўчына вучылася ў Джанкойскім прафесійным тэхнікуме. 1 студзеня ёй споўнілася 17 гадоў. 4 студзеня Эльвіна паведаміла родным, што паехала наведаць бацьку ў суседнюю вёску, але насамрэч адправілася на спатканне, апісвае гісторыю Astra.
З тым маладым чалавекам Эльвіна пазнаёмілася ў інтэрнэце, і ў той жа дзень ён паклікаў яе на спатканне. З таго часу дзяўчына перастала выходзіць на сувязь. Пошукі студэнткі арганізавалі мясцовыя валанцёры, размясціўшы арыенціроўкі аб пошуку ва ўсіх сацсетках і мясцовых СМІ.
Праз некалькі дзён Эльвіну знайшлі ў полі, забойца спрабаваў спаліць цела. Пазней па падазрэнні ў забойстве студэнткі затрымалі 21‑гадовага расійскага кантрактніка Дзмітрыя Папова, высветліла Astra. Падазраваны знаходзіцца ў СІЗА Сімферопаля.
Папоў з Тальяці Самарскай вобласці. Ён вучыўся ў Тальяцінскім машынабудаўнічым каледжы. Калі менавіта ён падпісаў кантракт і з’ехаў на вайну з Украінай — невядома, але відэа з «СВА» ў сваіх сацсетках ён пачаў выкладваць у красавіку 2025 года.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»44
Каментары