«Гэта дакладна не пра барацьбу з уласнымі партызанамі».
На тэрыторыі Мазырскага нафтаперапрацоўчага завода ў пачатку жніўня 2025 года з’явілася сістэма супрацьпаветранай абароны, падобная да расійскай зенітна-ракетнай устаноўцы «Тор». Гэта высветлілі «Схемы» («Радыё Свабода»), прааналізаваўшы спадарожнікавыя здымкі Planet Labs і апытаўшы экспертаў.
Спадарожнікавыя здымкі за мінулы год, якія даследавалі журналісты, сведчаць, што работы па ўладкаванні пазіцыі для сістэмы СПА на тэрыторыі завода пачаліся ў студзені 2025 года — за сем месяцаў да таго, як там з’явіўся сам зенітна-ракетны комплекс.
Тады ж, у студзені 2025 года, пра з’яўленне і іншых ахоўных збудаванняў — агнявых пунктаў, акопаў і блокпастоў — вакол Мазырскага НПЗ паведамляў маніторынгавы праект «Беларускі Гаюн».
Сістэма СПА, якую летам мінулага года на тэрыторыі нафтабазы зафіксаваў спадарожнік, можа быць расійскім зенітна-ракетным комплексам «Тор», лічыць авіяэксперт Анатоль Храпчынскі. На гэта, паводле яго слоў, паказвае форма ценю ад устаноўкі, якую найлепш відаць на здымках Planet Labs за 16 студзеня 2026 года.
«Мы бачым, што ў аб’екта на здымку цень падобны на танк (вежа і шасі), а яго даўжыня — шырыня дакладна адпавядае памерам такой сістэмы, як «Тор». Хутчэй за ўсё, гэта сучасны «Тор-М2», які пабудаваны, сярод іншага, на шасі ад беларускага «Мінскага завода колавых цягачоў», — сказаў Храпчынскі ў каментары «Схемам».
У лістападзе 2022 года тэлеграм-канал «Live. Сообщество железнодорожников Беларуси» паведамляў, што Расія перадала Беларусі як мінімум 15 сістэм СПА «Тор-М2».
«Гэта менавіта той клас СПА, які аптымізаваны пад нізкавышынныя, малагабарытныя мэты, у прыватнасці, вялікія ўдарныя дроны, таму яго разгортванне — гэта лагічны элемент прэвентыўнай абароны. Падобна на тое, што Лукашэнка спрабуе мінімізаваць рызыку «інцыдэнтаў», у тым ліку магчымых дыверсій, нават з расійскага боку, і гэта дакладна не пра барацьбу з уласнымі партызанамі», — патлумачыў Храпчынскі.
Авіяэксперт дадаў, што Аляксандр Лукашэнка паслядоўна спрабуе пазбегнуць прамога ўдзелу ў баявых дзеяннях, і абарона СПА — адзін са спосабаў трымацца гэтага курсу.
Цяпер чытаюць
Беларускую мову на ЦТ выбірае ўсё меншая доля выпускнікоў школ. Калі 20 гадоў таму яе здавала амаль палова, цяпер — толькі кожны шосты2
Каментары
гэта хутчэй псіхалагічная абарона)
Рогат
Украіне ні хапае хаймарсаў джавялінаў іньшых пэтрыотаў абараніць сябе
І наважыцца Украіна " пуляць" па найлепшаму партнёру са слоў Трампа ...
Патэнцыйныя ..дроны фламінга патэнцыйная абарона " пэс" зэс
Патэнцыйна віртуальна шмат " кава у Ялце" ад Буданава Падаляка у рэале міндіч шміндіч і Ермак