Жыхарку Гомеля кінулі ў калонію па шасці крыміналках за каментары ў тэлеграме
49‑гадовай Таццяне Магнусавай прысудзілі тры гады зняволення.
Таццяне Магнусавай з Гомеля 49 гадоў. Жанчына больш за 25 гадоў у шлюбе. Яе муж працуе выратавальнікам, разам яны выгадавалі сына.
Таццяна пісала, што лічыць сябе сярэднім класам: «Мы не алігархі, але ўсяго дабіліся ўласнай працай, маем кватэру, лецішча і два аўтамабілі».
«Я абсалютна шчаслівая жанчына! У мяне ў сям'і разуменне і гармонія», — дзялілася яна ў сацсетках.
У вольны час гамяльчанка захаплялася рэаліці-шоу, эзатэрыкай, народнай медыцынай.
Магнусаву арыштавалі каля года таму. Стала вядома, што Таццяну асудзілі ў Гомельскім абласным судзе па некалькіх артыкулах — ч. 1 арт. 368 КК («абраза Лукашэнкі»), ч. 2 арт. 367 КК («паклёп на Лукашэнку»), ч. 3 арт. 361 КК («заклікі да дзеянняў, накіраваных на прычыненне шкоды Беларусі»), ч. 3 арт. 361‑1 КК («удзел у экстрэмісцкім фарміраванні»), арт. 369‑1 КК («дыскрэдытацыя Беларусі») і ч. 1 арт. 130 КК («распальванне варожасці»).
Справа ў яе каментарах у тэлеграме. Акаўнт Таццяны называўся яе ўласным імем і быў прывязаны да беларускага нумара. З яго яна і пакідала каментары.
Па інфармацыі Dissident.by, Магнусавай прысудзілі тры гады калоніі.
«Наша Нiва» — бастыён беларушчыны
ПАДТРЫМАЦЬ
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары