«Супрацоўнікі былі ў паніцы». У італьянскім візавым цэнтры памёр чалавек
У візавым цэнтры Італіі ў сераду, 11 лютага, памёр адзін з наведвальнікаў. Інфармацыя пра гэта з’явілася ў адной з галінак чата, дзе абмяркоўваюць падачу дакументаў на шэнген, заўважыла «Люстэрка».
Бліжэй да 16.00 у чаце з’явілася паведамленне пра тое, што каля італьянскага візавага цэнтра стаіць хуткая, а ўсярэдзіну нікога не пускаюць.
«Жанчына-ахоўніца сказала, што не будуць [пускаць]. Пашпарт не змагла забраць, але я пяць хвілін пастаяла і пайшла», — апісала сітуацыю адна з удзельніц чата.
Пазней на пытанне, што адбылося, другая адказала: «Чалавек памёр».
Мяркуючы па паведамленнях, камусьці з тых, хто прыйшоў у цэнтр, стала кепска.
«Чакаюць міліцыю, да гэтага спрабавалі рэанімаваць, відаць, няўдала», — паведаміла адна са сведак здарэння.
У 16.37 адміністратар чата напісаў: «Чалавечая смерць мяняе многія планы… Іх можа проста больш не быць».
«Я была там у моманце. І паверце, там такі жах адбываўся, што работнікам наогул не да верыфікацыі было», — напісала адна з карыстальніц у адказ на пытанне, ці працягнуць праводзіць верыфікацыю.
«Мы адны з апошніх, хто зараз выйшлі з падачы дакументаў, — каля 17.00 адзначыла яшчэ адна ўдзельніца гутаркі. — Нас прынялі на верхнім паверсе. Сітуацыя непрыемная, людзі нецярплівыя, многіх не хвалюе чужое гора.
Ніхто ні на каго не крычаў, зразумела, што супрацоўнікі былі ў паніцы, усе разгубленыя і ўстрывожаныя. Разумею, што іншагароднім нязручна прыехаць заўтра, ім пайшлі насустрач і выдалі пашпарты. Спрацавалі настолькі аператыўна, наколькі змаглі. Дзесяць хвілін таму толькі прыехала міліцыя, змяніць сёння ўжо нічога б яны не змаглі».
У тэлеграм-каналах Следчага камітэта і ГУУС Мінгарвыканкама афіцыйнай інфармацыі пра інцыдэнт пакуль няма.
Вялікабрытанія праз два тыдні пераходзіць на лічбавыя візы. Што зменіцца?
На французскі «шэнген» цяпер можна запісацца самастойна — некаторыя ўжо атрымалі слоты
У Мінску адкрываецца візавы цэнтр Кіпра
«Паўгода чакання, мінус $1200 — і ніякай візы». Як беларусы зараз адкрываюць «шэнген»
«Ліміт перавышаны». Візавы цэнтр Італіі аднавіў запіс па жывой чарзе
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі10
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары
Там такія чэргі заўсёды каля ўвахода...
[Зрэдагавана]