Школьнік спалохаўся, што ў Беларусь прыляцяць дроны, і аддаў кур'еру $30 000. А той схаваў грошы ў падштаннікі
У міліцыю звярнулася сям'я 12‑гадовага школьніка. Дзіцяці ў месенджары напісаў незнаёмы і прапанаваць сябраваць, а для сустрэчы папрасіў даслаць геалакацыю.
Пасля гэтага на сувязь выйшаў псеўдаміліцыянер, які напалохаў дзіця, што па яго каардынатах прыляцяць вайсковыя дроны, а маму пасадзяць у турму, паведамляе сталічная міліцыя.
Каб выратаваць сябе і сям'ю, у дзіцяці запатрабавалі ўзяць усе яго грошы і знайсці бацькоўскія зберажэнні. Скласці іх у сумку і пакінуць пад мостам на Нямізе. А таксама здымаць усе дзеянні на відэа.
Аператыўнікі ўстанавілі, што грошы каля 30 тысяч даляраў забраў 18‑гадовы замежнік, які прыляцеў у Беларусь спецыяльна па заданні махляроў. Такую падпрацоўку ён знайшоў у інтэрнэце.
Малады чалавек таксама на камеру пералічыў грошы і схаваў іх у сподняе. Пасля чаго на цягніку адправіўся ў суседнюю краіну. Але быў затрыманы супрацоўнікамі міліцыі.
Уся сума канфіскаваная і будзе вернутая сям'і ашуканага дзіцяці.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго4
Каментары