План прадугледжвае дазвол на кароткатэрміновыя паездкі да 90 дзён.
Ужо ў чэрвені Украіне могуць прапанаваць канкрэтны план па ўвядзенні бязвізавага рэжыму для кароткатэрміновых паездак (да 90 дзён). Яго будуць абмяркоўваць 15 чэрвеня ў Люксембургу на пасяджэнні Савета па супрацоўніцтве Еўрасаюза, заявіў еўрапейскі камісар па пытаннях пашырэння і еўрапейскай палітыцы суседства Штэфан Фюле.
«Гэты дакумент зараз распрацоўваецца сумесна Украінай і ЕС», — удакладніў кіраўнік інфармацыйнага дэпартамента МЗС Алег Валошын.
Канчатковае ўхваленне плана павінна адбыцца ў кастрычніку на саміце Украіна — ЕС.
Першым крокам для выканання гэтага плана павінна стаць ратыфікацыя Вярхоўнай Радай дзвюх канвенцый Савета Еўропы — аб абароне персанальных дадзеных (гаворка ідзе аб абмежаванні доступу да аўтаматызаваных баз даных, якія змяшчаюць звесткі аб грамадзянах) і прадухіленні гандлю людзьмі.
Наступнае ўмова — увядзенне біяметрычных замежных пашпартоў, якія змяшчаюць спецыяльны чып, на які можна запісваць інфармацыю аб яго уладальніку (фатаграфію, адбіткі пальцаў, ўзор голасу, здымак абалонкі вачэй і іншае).
Яшчэ адно патрабаванне — ўладкаванне межаў, асабліва з Расіяй.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі84
Каментары