У Мінску таполя грымнулася на аўтамабіль. Завод заплаціў салідную кампенсацыю
Жанчына ў канцы чэрвеня мінулага года перадала свой аўтамабіль для рамонту ў адну арганізацыю.
Машына знаходзілася на тэрыторыі завода, дзе расла таполя. Дрэва ўпала і пашкодзіла аўтамабіль. Як паведамляе суд Фрунзенскага раёна Мінска, па выніках дэндралагічнай экспертызы таполя была прызнана небяспечнай.
Мінчанка прасіла спагнаць з адказчыка 9 698,36 рубля ў якасці кампенсацыі матэрыяльнай шкоды, а таксама судовыя выдаткі. У судзе яна падтрымала свае патрабаванні. Прадстаўнікі завода і кампаніі з пазовам не пагадзіліся.
Суд прыйшоў да высновы, што шкода павінна быць кампенсавана. Было ўстаноўлена, што дрэва знаходзілася ў нездавальняючым стане, аднак завод своечасова не прыняў меры для бяспекі. Менавіта падзенне гэтага дрэва стала прычынай пашкоджання аўтамабіля.
Рашэннем суда пастаноўлена спагнаць з адказчыка (завода) у карысць пазоўшчыцы:
- шкоду памерам 9 698,36 рубля;
- судовыя выдаткі — 1 050,60 рубля;
- выдаткі на аплату дапамогі прадстаўніка — 1 500 рублёў;
- выдаткі на аплату дзяржаўнай пошліны ў суме 484,92 рубля.
Пры гэтым суд адмовіў жанчыне ў пазове да таварыства (арганізацыі па рамонце) аб кампенсацыі шкоды.
Рашэнне суда не было абскарджана і ўступіла ў законную сілу.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда16
Каментары