Лукашэнка выказаўся пра дэфіцыт медыкаў і прапанаваў ім працаваць больш
«Давайце спынемся ныць і плакаць, што ў нас людзей не хапае».
На адкрыцці 42‑й гарадской паліклінікі ў Мінску Аляксандр Лукашэнка закрануў пытанне дэфіцыту работнікаў у краіне.
«Давайце спынімся ныць і плакаць, што ў нас людзей не хапае. Мне хочацца, каб у Беларусі ўсё было прыгожа і якасна. Людзей у нас хапае. Трэба выбудаваць сістэму так, каб тыя людзі, якія ёсць, маглі працаваць, і зарабляць, і абслугоўваць насельніцтва», — сказаў Лукашэнка.
«Гэта больш чым на 200 працэнтаў тычыцца Міністэрства аховы здароўя. Медыкі як прэзідэнт: колькі трэба, столькі і працуюць», — дадаў ён.
Відаць, гэтымі словамі Лукашэнка хацеў сказаць, што медыкі павінны працаваць болей, бо сам пра сябе ён любіць паўтараць, што працуе без адпачынкаў. Пры гэтым з пачатку тыдня ў Лукашэнкі, мяркуючы па паведамленнях яго прэс-службы і з'яўленні ў публічнай прасторы, сёння толькі трэці працоўны дзень. У панядзелак ён прымаў расійскага губернатара, у сераду праводзіў нараду з вайскоўцамі. Аўторак і чацвер былі прысвечаныя хакею.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»24
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары