Бацька даў падлетку пакатацца на чужым аўтамабілі, а той ператварыў яго ў хлам
У красавіку мінулага года жыхар Дзятлава папрасіў знаёмага адрамантаваць аўтамабіль.
За працу ён абяцаў 650 даляраў, пры гэтым большую частку сумы перадаў адразу, паведамляе СК.
Без дазволу рамонтнік неаднаразова ездзіў на чужым «Міцубісі», а аднойчы перадаў ключы свайму непаўналетняму сыну і дазволіў пакатацца. Аднак паездка доўжылася нядоўга: малады чалавек не справіўся з кіраваннем і ўрэзаўся ў дрэва.
Фігурант адразу прыехаў на месца ДТЗ. Аказалася, што машына ўжо не падлягае аднаўленню.
Толькі праз некалькі дзён майстар расказаў уласніку машыны пра здарэнне. Той запатрабаваў кампенсацыю шкоды, але ў майстра неабходнай сумы не было, і тады пацярпелы звярнуўся ў міліцыю.
На допыце падазраваны расказаў, што ўвесь задатак ён патраціў на расходныя матэрыялы. Пасведчання кіроўцы не меў ні ён, ні ягоны сын.
Каментары