«Слухайце, учора быў вельмі-вельмі добры дзень».
Віцэ-прэзідэнт ЗША Вэнс заявіў пра чатыры галоўныя вынікі перамоў ЗША і Ірана: «Слухайце, учора быў вельмі-вельмі добры дзень. Мы дасягнулі вялікага прагрэсу. Мы зрабілі менавіта тое, што хацелі, — дасягнулі чатырох мэтаў для амерыканскага народа.
Ён назваў чатыры галоўныя вынікі перамоў ЗША і Ірана.
Па-першае, мы хацелі стварыць механізм для захавання Армузскага праліва адкрытым. Ён адкрыты. Мы бачым, што цэны на газ і нафту знізіліся. Мы таксама хацелі пераканацца, што стварылі механізм для размінавання праліва, каб пры ўзнікненні канфліктаў мы маглі іх урэгуляваць, а не дапускаць эскалацыі.
Па-другое, мы хацелі стварыць аналагічны механізм для ўрэгулявання рэгіянальнага спынення агню. Як сказаў сам прэзідэнт, часам перамір’е азначае толькі меншую колькасць абстрэлаў, але мы хацелі забяспечыць каардынацыю, каб у выпадку абстрэлаў, адказных дзеянняў Ізраіля або іншых канфліктаў мы маглі камунікаваць адзін з адным і спыняць баявыя дзеянні.
Па-трэцяе, і гэта, напэўна, нас найбольш радуе як амерыканцаў, іранцы пагадзіліся зноў запрасіць інспектараў МАГАТЭ ў сваю краіну. Гэта важны крок для амерыканцаў і першы крок на шляху да канчатковай адмовы ад ядзернай праграмы ў Іране. Гэта менавіта тое, чаго мы хацелі і пра што прасілі.
Мы дасягнулі вялікага прагрэсу і па іншых ядзерных пытаннях, што падводзіць мяне да апошняга пункта: мы стварылі працэс для далейшых тэхнічных перамоў. Нашы каманды ўчора правялі вялікую працу з іранцамі, катарцамі і пакістанцамі, і яны працягнуць працу на тэхнічным узроўні тут, у Бюргенштоку [Швейцарыя], а затым гэтыя тэхнічныя перамовы будуць працягвацца найбліжэйшымі днямі і тыднямі».
Каментары