Студэнт, спалохаўшыся пагрозаў махляроў, забраў у пенсіянерак $30 тысяч і вывез за мяжу
Супрацоўнікі крымінальнага вышуку затрымалі 19‑гадовага студэнта, які стаў адначасова ахвярай і кур’ерам махляроў, паведамляе сталічная міліцыя.
Студэнта падманулі па схеме з электроннай поштай. Яму патэлефанавалі нібыта з дэканата і папрасілі назваць электронны адрас для адпраўкі дакументаў. Але замест гэтага студэнту прыйшоў ліст пра тое, што яго «ўзламалі».
Каб захаваць даныя, ён перайшоў па спасылцы і апынуўся ў чаце з фальшывым парталам «Е-паслуга». Не ведаючы, як выглядае сапраўдны партал, малады чалавек паверыў махлярам і пачаў выконваць іх інструкцыі.
Ён з’ездзіў па двух адрасах, дзе забраў у пенсіянерак каля $30 тыс., пасля чаго па ўказанні махляроў адправіўся ў Расію і перадаў усе грошы іншаму кур’еру.
Пасля вяртання ў Мінск маладога чалавека затрымалі. У гэты час махляры працягвалі пісаць яму паведамленні з пагрозамі фізічнай расправы, у тым ліку ў дачыненні да яго сваякоў.
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары
Выдатна, а чаму тады размаўляеце па-чужынску, а не на роднай мове? Цішыня і фініта ля камедыя. Дужа баіцца маскаль беларускай мовы.