У нямецкім горадзе Зінцыг на захадзе краіны невядомыя захапілі закладнікаў у аддзяленні банка Volksbank. Паліцыя паведаміла, што сігнал пра захоп паступіў каля 9‑й гадзіны раніцы. Цэнтр горада быў ачэплены, на месцы праходзіць буйная спецаперацыя з удзелам верталёта, піша Deutsche Welle.
Паводле папярэдняй інфармацыі, закладнікамі сталі не кліенты банка, а сярод іх можа быць кіроўца інкасатарскага аўтамабіля. Колькасць нападнікаў і закладнікаў пакуль не называецца.
Інфармацыі пра загінулых або параненых няма. Таксама невядома, ці былі злачынцы ўзброеныя.
«У гэты момант мы зыходзім з таго, што ў банку знаходзяцца некалькі злачынцаў і закладнікаў. Адзін з закладнікаў — кіроўца інкасатарскай машыны», — заявіў прадстаўнік праваахоўных органаў.
Жыхарам у зоне ачаплення забаронена пакідаць свае дамы. Пры гэтым паліцыя сцвярджае, што для іншых раёнаў горада небяспекі няма.
Паліцыя пакуль не раскрывае далейшыя планы дзеянняў, каб гэтай інфармацыяй не скарысталіся нападнікі. Больш падрабязнасцяў абяцаюць паведаміць пазней.
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам18
Каментары