«17 стабальнікаў у аднаго настаўніка». Віцебская гімназія пабіла рэкорд Ліды
Учора сталі вядомыя вынікі ЦЭ па рускай і беларускай мовах. Сам іспыт адбыўся 29 мая. Свае веды праверылі амаль 59 тысяч вучняў. З іх 1426 набралі максімальныя 100 балаў. Выпускнікі некаторых школ паказалі асабліва высокія вынікі.
Учора стала вядома, што ў гімназіі №1 горада Ліды адразу 16 вучняў атрымалі 100 балаў па рускай мове. Усе яны вучыліся ў аднаго настаўніка — Таццяны Міхайлаўны Глыздовай.
Сёння з Onliner.by звязаліся бацькі вучняў гімназіі №2 горада Віцебска. Тут адразу 17 выпускнікоў набралі 100 балаў на ЦЭ па рускай мове. Іх настаўніца — Алена Канстанцінаўна Маісеева.
У гімназіі расказалі, што Алена Канстанцінаўна — адзін з вядучых філолагаў Беларусі. За гады працы яна падрыхтавала больш за 20 пераможцаў Рэспубліканскай алімпіяды, у тым ліку і двух прызёраў сёлета. У гімназіі №2 горада Віцебска педагог працуе з 1999 года. Яна мае званне «Выдатнік адукацыі», а таксама катэгорыю настаўніка-метадыста.
— Алена Канстанцінаўна — даволі строгі настаўнік, але пры гэтым, калі я размаўляю з дзецьмі, усе яны называюць яе адной са сваіх любімых выкладчыц. Добра матываванае дзіця заўсёды бачыць прафесіяналізм настаўніка.
І разумее: так, у яго ёсць патрабаванні да мяне, але яны патрэбныя для таго, каб дасягнуць максімальнага выніку, — адзначыў у размове з журналістам дырэктар гімназіі Канстанцін Кісялёў.
Дарэчы, сама гімназія па выніках 2025 года прызнана найлепшай установай сярэдняй адукацыі ў краіне і адзінай, якая заваявала гэтае званне тройчы. Акрамя таго, на працягу апошніх сямі гадоў гімназія з'яўляецца абсалютным лідарам алімпіяднага руху ў Беларусі.
Сярэдні бал выпускнікоў на ЦЭ сёлета склаў 93.
Што датычыцца самога экзамену па рускай мове, педагогі пагаджаюцца ў меркаванні, што сёлета тэст быў крыху прасцейшы, чым у папярэднія гады. Сярэдні бал па рэспубліцы склаў 66,16. Для параўнання: летась ён быў 62,62. Значна павялічылася і колькасць стабальнікаў па прадмеце — 1301 супраць 715 год таму.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары