У Чачэрску жанчына атрымала траўмы ў ДТЗ па віне мужа. З яго спагналі грошы за яе лячэнне
У Чачэрску суд абавязаў матацыкліста кампенсаваць выдаткі на лячэнне сваёй жонкі, якая атрымала цяжкія траўмы ў ДТЗ па яго віне. Сума спагнання перавышае 19 тысяч рублёў, паведамляе пракуратура Гомельскай вобласці.
Аварыя адбылася летам 2025 года. Мужчына на матацыкле Honda спрабаваў абагнаць аўтацыстэрну ў момант, калі грузавік паварочваў налева. У выніку адбылося сутыкненне.
Жонка кіроўцы, якая знаходзілася на матацыкле ў якасці пасажыркі, атрымала цяжкія цялесныя пашкоджанні, небяспечныя для жыцця. Яна больш за 20 дзён праходзіла лячэнне ў Гомельскай абласной клінічнай бальніцы.
Дзеянні матацыкліста былі кваліфікаваныя як парушэнне правілаў дарожнага руху, якое па неасцярожнасці прывяло да цяжкіх траўмаў. Аднак крымінальную справу спынілі, бо пацярпелая адмовілася пісаць заяву аб прыцягненні мужа да адказнасці.
Нягледзячы на гэта, пракуратура звярнулася ў суд у інтарэсах медыцынскай установы з патрабаваннем спагнаць кошт лячэння. Суд цалкам задаволіў пазоў і пастанавіў спагнаць з мужчыны больш за 19 тысяч рублёў.
Матацыкліст-падлетак сутыкнуўся ў Мінску з машынай
Жыхара Лёзна пазбавілі права кіравання матацыклам за экстрэмальныя хуткасці і язду на заднім коле
«Гэта яго падушка бяспекі». На трасе пад Мінскам заўважылі незвычайны спосаб перавозкі шын
У Мазыры матацыкліст на хуткасці збіў 25‑гадовую маці, якая ішла з каляскай па пешаходным пераходзе
Цяпер чытаюць
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка4
Каментары