Пачаліся дзяржаўныя закупкі садавіны, агародніны і ягад у насельніцтва
У Беларусі стартаваў сезон нарыхтовак садавіны, агародніны і дзікарослай прадукцыі ў насельніцтва — і ўжо зараз у Белкаапсаюзе фіксуюць актыўныя аб’ёмы закупак, піша БелТА.
У краіне працуе вялікая сістэма прыёму ўраджаю ў насельніцтва: амаль 800 прыёмна-нарыхтоўчых пунктаў, дзе людзі могуць здаваць клубніцы, бульбу, ягады і грыбы. Дадаткова адкрываюць сезонныя пункты — сёлета іх яшчэ шэсць, каб справіцца з «гарачым» перыядам.
Асноўны кірунак зараз — клубніцы. Найбольшыя аб’ёмы ідуць з Лунінецкага і Столінскага раёнаў, дзе традыцыйна шмат ягадных гаспадарак. Таксама ўжо ідзе нарыхтоўка чарніц і буякоў, а з агародніны — маладой бульбы.
Аб’ёмы даволі значныя: заключана 345 дамоў на амаль 5 тысяч тон прадукцыі, а з фермерамі наладжана супрацоўніцтва прыкладна са 150 гаспадаркамі.
- Цэны ў гэтым сезоне такія (залежаць ад якасці і рэгіёна):
- клубніцы: прыкладна 3—5,5 рубля за кілаграм (летась было да 8 рублёў);
- маладая бульба: каля 1,1—2,25 рубля;
- чарніцы і буякі: цэны яшчэ фарміруюцца і могуць змяняцца ў ходзе сезона.
Акрамя ягад і агародніны, закупляюць і дзікарослую прадукцыю — грыбы і ягады з лесу. За мінулы год, напрыклад, нарыхтавалі каля 30 тон грыбоў і ў агульным ліку каля 500 тон дзікарослай прадукцыі.
На Камароўцы з'явіліся першыя чарніцы: колькі каштуюць?
Як уладкаваны клубнічны бізнэс, хто найбольш на ягадах зарабляе і чаму іх часам выкідаюць
Лайфхак: як праверыць, ягады з Лунінца ці не з Лунінца
Жыхарка Магілёва набыла клубніцы на рынку. Яе запэўнівалі, што яны мясцовыя, але праўду выдала адна дэталь
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары