Аб гэтым паведаміў дырэктар Вілейскага краязнаўчага музея Сяргей Ганчар.
Аб гэтым паведаміў дырэктар Вілейскага краязнаўчага музея Сяргей Ганчар.
«Пасля таго, як музей даў адказ на ліст дырэктара лесагаспадарчай установы «Краснасельскае», прэтэнзій ад яго больш не было».
Па словах сп. Ганчара, камень Пілсудскага ўнесены ў спіс помнікаў раённага значэння. А перавезены ў Вілейку ён быў для стварэння імправізаванага музея валуноў каля выставачнай залы. Але пакуль не праведзены капітальны рамонт залы, валуны знаходзяцца ў розных месцах. Камень Пілсудскага часова будзе знаходзіцца на тэрыторыі Раённых электрычных сетак, дзе стаіць ад 2004 года.
«Мне ў прынцыпе чаго дабівацца? Там ёсць грамадскасць — хай вырашае. Ёсць райвыканкам — хай прымае рашэнне.
Я ўнёс прапанову толькі. Бо лічу, што помнік павінен стаяць там, дзе яго паставілі», — пракаментаваў рашэнне пакінуць камень у Вілейцы дырэктар лесагаспадарчай установы «Краснасельскае» Аляксандр Буры.
Валун Пілсудскага ў вёсцы Будзькі Вілейскага раёна паставілі ў 1930-х гадах пасля смерці маршала побач са школай яго імя. У 2004 польскія дыпламаты захацелі перавезці камень на тэрыторыю пасольства ў Мінску. Вілейскія ўлады дазволілі такі крок. Але, калі палякі прыехалі па камень, яго на месцы не знайшлі. Як высветлілася, вілейскія краязнаўцы Анатоль Рогач і Яўген Петрыкевіч перавезлі валун у горад. Быў распачаты збор подпісаў за тое, каб пакінуць камень у Вілейцы. Пад ціскам грамадскасці старшыня райвыканкама прыняў адпаведнае рашэнне.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты8
Каментары