Пра гэта 25 чэрвеня на штодзённым брыфінгу ў Бруселі заявіла Марлін Холцнер, прэс‑сакратар еўракамісара па пытаннях энергетыкі Гюнтэра Этынгера.
Паводле слоў Холцнер, пастаўкі расійскага газу цераз тэрыторыю Беларусі раніцай 25 чэрвеня ажыццяўляліся ў поўным аб’ёме. Яна запэўніла, што ЕС знаходзіцца ў пастаянным кантакце з урадамі Беларусі і Расіі.
25 чэрвеня Аляксандр Лукашэнка заявіў, што дае Маскве суткі на пагашэнне ў поўным аб’ёме запазычанасці за транзіт газу. Напярэдадні «Газпром» атрымаў ад Беларусі 187 млн. даляраў доўгу за пастаўлены ў 2010 годзе газ і ў поўным аб’ёме аднавіў газавыя пастаўкі.
У сваю чаргу, «Газпром» пералічыў Мінску 228 млн. даляраў за транзіт газу, але Мінск патрабаваў 260 млн. і працягвае настойваць на гэтай лічбе. Разбежка ўзнікла ў сувязі з рознымі поглядамі бакоў на стаўку транзіту: у Беларусі гавораць пра 1,88 даляра за тысячу кубаметраў газу на 100 км, у Расіі — пра 1,45 даляра.
-
Швейцарыя выступіла супраць абмежавання колькасці насельніцтва
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
Каментары