У івацэвіцкім банку адмовіліся абмяняць даляры, атрыманыя пасля продажу хаты
У Івацэвічах 44‑гадовая жанчына паспрабавала абмяняць у банку даляры, якія атрымала пасля продажу хаты. Адна банкнота выклікала падазрэнні, таму яе адмовіліся прымаць і накіравалі на экспертызу, паведамляе УУС Брэсцкага аблвыканкама.
Экспертыза пацвердзіла, што купюра была падробленая. Пры гэтым жанчына атрымала гэтыя грошы ад маці, а тая, у сваю чаргу, набыла гэтую купюру некалькі гадоў таму падчас здзелкі з продажам хаты на вёсцы. Абедзве жанчыны не ведалі, што банкнота фальшывая.
У міліцыі нагадваюць, што пры выяўленні падробленых грошай распачынаецца крымінальная справа нават у выпадку, калі чалавек не ведаў пра іх несапраўднасць і не меў намеру выкарыстаць іх для разліку.
За выраб, захоўванне з мэтай збыту або збыт падробленых грошай прадугледжваецца крымінальная адказнасць. У залежнасці ад абставінаў пакараннем можа быць абмежаванне волі на тэрмін ад двух да пяці гадоў або пазбаўленне волі ад двух да сямі гадоў. Калі злачынства здзейснена паўторна, арганізаванай групай або ў асабліва буйным памеры, тэрмін зняволення можа дасягаць 15 гадоў са штрафам.
Двух французаў ашукалі з дапамогай «беларускіх рублёў»: ахвярам аддавалі старыя беларускія грошы ў абмен на еўра
Паляк хацеў памяняць у беларускім банку фальшывыя еўра
За працу ў Польшчы з хлопцам разлічыліся фальшывымі далярамі
У Пінску жанчыне на пахаванні мужа «дапамаглі» фальшывай купюрай
Якія грошы найчасцей падрабляюць у Беларусі?
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары