І зноў загаварыў пра «нацызм» у Еўропе.
Сяргей Лаўроў выступіў на Усходнім эканамічным форуме ва Уладзівастоку. Разважаючы пра эканамічныя праблемы, міграцыю і рост цэн на энерганосьбіты ў Еўропе, ён назваў старшыню Еўракамісіі Урсулу фон дэр Ляен «фюрар Урсула».
«Урсула фон дэр Ляен — мы яе называем «фюрар Урсула» — спрабуе сцягнуць у Еўракамісію тыя кампетэнцыі, тыя паўнамоцтвы, якія паводле рашэнняў усяго Еўрапейскага саюза не перадаваліся Бруселю, а застаюцца ў нацыянальных урадаў», — сказаў расійскі міністр.
Лаўроў заявіў, што пасля падрыву «Паўночных патокаў» старшыня Еўракамісіі нібыта сказала: «Так, нашы выбарцы будуць пакутаваць, таму што цэны на энергію будуць істотна вышэйшыя. Але мы абавязаныя пакутаваць дзеля таго, каб украінскі народ адстойваў нашы еўрапейскія каштоўнасці».
Лаўроў назваў адной з «еўрапейскіх каштоўнасцяў» нібыта «заканадаўчую забарону рускай мовы ў адукацыі, культуры, побыце і сродках масавай інфармацыі» ва Украіне і заявіў, што гэта шлях Еўропы «назад у нацызм».
Заявы Лаўрова прагучалі падчас захопніцкай вайны, якую Расія вядзе супраць Украіны. Масква рэгулярна выкарыстоўвае абвінавачанні ў нацызме для апраўдання свайго ўварвання, хоць менавіта расійскія войскі акупавалі частку суседняй краіны і разбураюць украінскія гарады.
-
Перамовы Кіеў — Масква — Вашынгтон пройдуць у пачатку лістапада
-
Памёр бізнэсмен Лучанскі, якога часопіс Time у 1990‑х назваў «самым небяспечным нязлоўленым злачынцам у свеце»
-
«Ну што, піндос, наваяваўся? Зараз мы табе пакажам». Як здзекваліся ў расійскім палоне з амерыканца Хабарда, якога выпусціў Пуцін
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары