Новы квартал ад дзяржзабудоўшчыка з'явіцца ў межах вуліц Чыгуначнай — Дубравінскай — Грушаўскай. Пачнецца будоўля з узвядзення двух хмарачосаў — зараз распрацоўваюць катлаваны, піша Realt.by.
Пра планы Беларусі і Казахстана рэалізаваць некалькі праектаў у будаўнічай сферы стала вядома яшчэ ў 2022 годзе. Адзін з такіх — узвядзенне беларускага жылога квартала ў Астане і казахстанскага — у Мінску. Адсюль і назва — Казахстанскі квартал. На пляцоўцы ў 4,6 га тут знеслі больш за дзясятак вытворчых будынкаў былога прадпрыемства «Сантэхдэталь».
Вось як апісваюць будоўлю ў «Мінскбудзе».
«Пляцоўка агароджаная, устаноўленыя пашпарты аб'ектаў, унутры працуе будаўнічая тэхніка. Жылая забудова стартуе двума мапідаўскімі дамамі № 1 і 2 (па генплане). Першы — гэта вышынны дуэт у серыі М111-90. Другі — пенал М464-У1М. Зараз якраз распрацоўваюцца катлаваны пад абодва дамы. Далей пачнецца працэс фарміравання фундаментаў — яны будуць з буранабіўных паляў».
Усяго ў квартале запраектавана больш за 680 кватэр. Па стандартных разліках, жыць у такой забудове змогуць прыблізна 1550 чалавек. Жытло тут прапануюць чаргавікам.
Бліжэй да вуліцы Чыгуначнай пабудуюць шматузроўневы паркінг.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
1. Будаўнік вышынных будынкаў.
2. Спецыяліст па вышынных палётах, пад’ёмах.