У Мінску маладзён з Віцебшчыны хацеў падпаліць аўтамабіль пенсіянера
У міліцыю звярнуўся 67‑гадовы жыхар Мінска, які паведаміў, што невядомы пранік на тэрыторыю яго прыватнага дома і падпаліў аўтамабіль. Супрацоўнікі крымінальнага вышуку Маскоўскага РУУС сталіцы хутка ўстанавілі асобу падазраванага і затрымалі яго.
Парушальнікам быў 20‑гадовы жыхар Віцебскай вобласці, які прыехаў у Мінск, каб нібыта паступіць у вышэйшую навучальную ўстанову. У першыя дні знаходжання ў сталіцы ён ужываў алкаголь разам са знаёмымі, а падчас прагулкі апынуўся ў прыватным сектары.
Малады чалавек пералез праз плот на тэрыторыю аднаго з дамоў. У двары ён убачыў грузавік МАЗ і легкавы аўтамабіль Dodge Caravan. Спачатку хлопец спрабаваў завесці грузавік, але не справіўся гэта зрабіць. Пасля ён паспрабаваў завесці другі аўтамабіль, аднак і тут не здолеў разабрацца з кіраваннем.
У салоне Dodge Caravan падазраваны знайшоў газавую гарэлку. Ён уключыў яе, пакінуў на пярэднім сядзенні, зачыніў аўтамабіль і сышоў.
З-за абмежаванага доступу паветра ў закрытым салоне полымя згасла, таму пажар не распаўсюдзіўся.
Затрыманы не змог растлумачыць свой учынак. У дачыненні да яго завялі крымінальныя справы.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары