Nexta патлумачыў, ці маглі спецслужбы Расіі дэзынфармаваць яго ў 2020-м, каб уплываць на пратэст
Стваральнік рэсурсу Nexta Сцяпан Пуціла ў інтэрв’ю журналісту «Радыё Свабода» Дзмітрыю Гурневічу адказаў на пытанне, ці магла расійская разведка ў 2020 годзе наўмысна дэзынфармаваць яго супрацоўнікаў, каб радыкалізаваць пратэст і ў выніку адштурхнуць Беларусь ад Захаду. Такую верагоднасць дапусціў былы кіраўнік польскай разведкі Пётр Краўчык.
«Калі гэты чалавек кіраваў тады польскай разведкай, то ён мог арганізаваць сачэнне за нашым офісам. А можа і рабіў гэта. Наш офіс тады быў у самым цэнтры Варшавы, побач з Сеймам. Можна было нас падслухоўваць і, калі б былі падазрэнні, выставіць нам абвінавачанні. Чалавек хоча так пацвердзіць сваё меркаванне.
На нашым канале выйшла інтэрв’ю з Пятром Краўчыкам, яго для нас зрабіў журналіст Ігар Кулей. Краўчык там паўтарыў гэта. Безумоўна, Расіі было цікава ўлезці ў гэтыя выбары. Але праект Nexta да гэтых планаў не быў датычны», — сказаў Пуціла.
Ён патлумачыў, што ўсе планы дэманстрацый і маршруты распрацоўваліся рознымі беларускімі палітыкамі і актывістамі ў закрытым тэлеграм-чаце «Хата». Таму словы Краўчыка, што канал Nexta распаўсюджваў інструкцыі, якія дасылалі расійскія спецслужбы, не адпавядаюць фактам.
«Таксама ён казаў, што нас дэзынфармавалі спецслужбы, калі дасылалі інфу з МУС і КДБ. Але мы атрымлівалі інфармацыю ад простых людзей, мы верыфікавалі інфармацыю, мы атрымлівалі здымкі службовых пасведчанняў. І мы спраўджвалі ў людзей з тых жа органаў тую інфармацыю. І гэта пацвярджалася.
Пазней яны пачалі рабіць так званыя кантраляваныя злівы, ставіць кропкі і коскі ў розных месцах. Потым яны перасталі гэта рабіць.
Але ў нас усё роўна былі крыніцы ўнутры Беларусі, адной з іх быў Уладзімір Жыгар, які цяпер у «Белполе». Ён у мяне ў тэлефоне быў падпісаны «МВД Мозырь». Гэта былі сапраўдныя людзі.
У нас і цяпер застаюцца крыніцы ў Беларусі, але мы папрасілі, каб цяпер яны з намі не кантактавалі. Але ў нас былі людзі і са Службы бяспекі прэзідэнта, КДБ, з самых розных структур», — сказаў Сцяпан Пуціла.
Былы рэдактар Nexta Ян Рудзік стаў бацькам. Яны з сям'ёй перабраліся ў Польшчу
Яўген Булка перабраўся ў Польшчу. І расказаў, як у Ізраілі яго адправілі працаваць на абортах
Беларусы іранізуюць з інтэрв’ю былога кіраўніка польскай разведкі
Рудзік — беларускім палітыкам з польскімі пашпартамі: Балатуйцеся не ў КР, а ў польскі Сейм
Памілаваныя 15 чалавек, сярод якіх 13 палітвязняў15
Каментары