На «Прадмове» ў Празе і Варшаве прэзентуюць анталогію «Пакаленне Чарнобыля»
Да 40‑годдзя аварыі на ЧАЭС выдавецтва «Пфляўмбаўм» выпускае анталогію тэкстаў «дзяцей Чарнобыля».
Укладальніцы кнігі «Пакаленне Чарнобыля / Покоління Чорнобіля» — беларуская пісьменніца Вольга Касцюк і ўкраінская даследчыца культуры, куратарка і пісьменніца Катарына Батанава, піша bellit.info.
Зборнік аб’яднаў мастацкія і публіцыстычныя тэксты. Дзякуючы анталогіі чытачкі і чытачы могуць паглядзець на чарнобыльскую катастрофу з розных перспектыў і з двух бакоў мяжы. Беларускія тэксты адбіраліся праз open call, на яго было даслана 42 прапановы. Некаторыя аўтаркі публікуюцца пад псеўданімамі: гэта знак часу і палітычнага крызісу ў рэгіёне.
Аўтаркі, тэксты якіх вы знойдзеце ў анталогіі: Юля Арцёмава, Таня Арцімовіч, Вольга Бубіч, Вольга Валошкіна, Вольга Гапеева, Ярина Груша, Тамара Гундорава, Вольга Ермалаева Франко, Юля Касач, Тоні Лашдэн, Стэфа Лісоўская, Марыя Літвін, Лусінэ, Ксенія Май, Світлана Матвієнко, Олеся Островська-Люта, Леся Пчолка, Юлія Ружэчка, Оксана Семенік, Кася Чэкатоўская.
Першыя прэзентацыі анталогіі «Пакаленне Чарнобыля / Покоління Чорнобіля» пройдуць падчас фестываляў інтэлектуальнай кнігі PRADMOVA ў Празе 1 лістапада і ў Варшаве 13—15 лістапада.
Так у Празе (Чэхія) у размове возьмуць удзел некалькі аўтарак зборніка. Праз літаратуру, асабістыя гісторыі і ўспаміны пісьменніцы і мадэратар паспрабуюць пагаварыць пра Чарнобыль як пра досвед, які працягвае фармаваць памяць, ідэнтычнасць і ўяўленне пра будучыню ў Беларусі і Украіне.
Удзельнічаюць: Вольга Гапеева, Лусінэ, Сяргей Шупа.
1 лістапада, 11:45—12:30
Пляцоўка А, U Lužického semináře 13, Praha 1
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары