Амерыканскія навукоўцы атрымалі новыя пацверджанні віруснай прыроды сіндрому хранічнай стомленасці. Даследаванне правяла група спецыялістаў пад кіраўніцтвам Упраўлення па кантролі за прадуктамі і лекамі ЗША.
Даследчыкі правялі генетычны аналіз узораў крыві 37 пацыентаў з сіндромам хранічнай стомленасці і 44 здаровых добраахвотнікаў. Па выніках аналізу, генетычныя паслядоўнасці, характэрныя для віруса, звязанага з вірусам лейкоза мышэй, былі выяўленыя ў 32 хворых, што складае каля 86,5 працэнта ад іх агульнай колькасці. Вірусныя гены таксама былі выяўленыя ў узорах крыві трох членаў кантрольнай групы (6,8 адсоткі).
Праз 15 гадоў пасля пачатку даследаванняў навукоўцы правялі паўторны аналіз у васьмі ўдзельнікаў — у сямі з іх, вірус у крыві прысутнічаў.
Сіндром хранічнай стомленасці характарызуецца стомай у мышцах, дэпрэсіяй, санлівасцю. Пры чым усе гэтыя праблемы не выкліканы нічым. Прычыны ўзнікнення сіндрому не вытлумачаныя.
-
27‑гадовая беларуска без дзяцей ідзе на стэрылізацыю — і вось чаму ёй можна
-
У Мінску медыкі зрабілі ўнікальную аперацыю: пацыенту перасадзілі яго ўласную костку разам з сасудамі
-
«У нас мізэрная колькасць тых, хто бярэ свабодныя дыпломы». Чыноўніца Мінздароўя пракаментавала адмену платнага навучання ў медыцынскіх ВНУ
Каментары