У карціне «Край» Аляксея Учыцеля вельмі нечаканыя двубоі.
Расея, 2010, каляровы, 110 хв.
Рэжысёр: Аляксей Учыцель
Ролі выконваюць: Уладзімір Машкоў, Юлія Перэсільд, Аляксей Гарбуноў, Уладас Багдонас, Аляксандр Башыраў, Сяргей Гармаш
Жанр: Драма
Адзнака: 5,5 (з 10)
Па вайне кантужаны франтавік Ігнат трапляе ў сібірскі край для ссыльных. Ігнат, ганебна звольнены з машыністаў, знаходзіць за разламаным мастом забыты цягнік. Але «гаспадыня» цягніку — немка, якая хавалася ў тайзе ўсю вайну. Знявечаны летуценнік і «фашыстка» аднаўляюць машыну. Але гэта не даспадобы месцічам.
Карціна Аляксея Учыцеля — акуратнае перафарматаванне суседзкага кіно «пра 50-ыя» з лёгкім разлікам на экспарт.Ёсць ваенная форма і гімнасцёркі. Ёсць ссыльныя, вяла залічаныя ў «здраднікі і ворагі народу». Ёсць нязменны для расейскага кіно Сяргей Гармаш — і «аднарукі» Аляксей Гарбуноў.
Але ў фільме швэндаюцца мядзведзі, галоўная гераіня лапочыць па-нямецку — і адсутнічае навязлівы савецка-ваенны пафас. Асобнымі героямі выступаюць і цягнікі — якія нават маюць свае імёны.
Цягнікі заўжды былі першымі кінагероямі.У карціне Учыцеля гэтыя героі паважныя, старыя, падрапаныя, грувасткія — і вельмі прыткія. Яны нават наладжваюць двубой.
Фільм цікавы сваёй ідэяй і фотагеніяй сталёвых машынаў.
Цяпер чытаюць
Рыта Дакота ўпершыню распавяла, за што беларускія сілавікі схапілі яе маці ў 2022 годзе4
Каментары