Мастак прайшоў вайну, быў вязнем канцлагераў Дахаў і Бухенвальд.
Сёння на 89-м годзе жыцця памёр народны мастак Беларусі, акадэмік Міхаіл Савіцкі.
Мастак прайшоў вайну, быў вязнем канцлагераў Дахаў і Бухенвальд. Міхаіл Савіцкі — аўтар вядомай серыі жывапісных твораў «Лічбы на сэрцы».
Мастак памёр у ноч на 8 лістапада.
Развітанне з Міхаілам Савіцкім адбудзецца 10 лістапада ў Цэнтральным доме афіцэраў. Грамадзянская паніхіда пройдзе з 10:00 да 13:00. Мастака пахаваюць на Усходніх могілках Мінска, піша БелаПАН.
Для арганізацыі пахавання створана дзяржаўная камісія.
* * *
Рыгор Сітніца: Савіцкі закрыў апошнюю старонку грандыёзнай эпохі
З адыходам Міхася Савіцкага мы фактычна закрываем апошнюю старонку грандыёзнай эпохі. У творах Савіцкага мы маем вялікага майстра. У іх, у самых лепшых сваіх творах, ён быў вельмі праўдзівым і моцным.
Савіцкі быў захавальнікам акадэмічнай школы. І ў гэтым, у тым ліку, ягоная значнасць. Магу назваць дзясятак працаў мастака, якія можна смела аднесці да самых каштоўных набыткаў не толькі беларускай мастацкай школы.
* * *
Міхаіл Андрэевіч Савіцкі (нар. 18.02.1922, в. Звянячы Талачынскага раёна), народны мастак Беларусі (1972), народны мастак СССР (1983), правадзейны член АМ Расіі, акадэмік Нацыянальнай АН Беларусі, лаўрэат Дзяржаўнай прэміі СССР (1973).
Узнагароджаны ордэнам Францыска Скарыны, у 2006 г. прысвоена званне «Герой Беларусі». Кіраўнік дзяржаўнай установы культуры «Творчыя акадэмічныя майстэрні жывапісу, графікі і скульптуры».
-
Пазняк прэзентаваў кнігу «Віленшчына любімая і прыўкрасная». Там ёсць нават вершы па-французску
-
«70% мастакоў у чорных спісах». Мастак Сяргей Грыневіч пасля трыумфу ў Венецыі расказаў пра гады маўчання і пра тое, на якім свеце ён апынуўся
-
У наступную суботу ў Вільні пройдзе Сямейны беларуска-літоўскі фэст з літсцэнай
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі14
Каментары