Польскія ўлады заявілі, што сур'ёзна паставіліся да інфармацыі, перададзенай беларускім бокам аб магчымай падрыхтоўцы тэрарыстычнага акта на тэрыторыі Польшчы. Пра гэта паведаміў міністр замежных спраў Польшчы Радаслаў Сікорскі, піша rmf24.pl.
Па словах польскага міністра, паведамленне было атрымана толькі нядаўна, таму кампетэнтныя службы яшчэ працягваюць яго вывучаць. Пры гэтым кіраўнік польскай дыпламатыі падкрэсліў, што любое папярэджанне пра магчымую тэрарыстычную пагрозу ў Польшчы ўспрымаецца сур'ёзна і падлягае абавязковай праверцы.
Напярэдадні Міністэрства замежных спраў Беларусі паведаміла, што падчас сустрэчы з часовым павераным у справах Польшчы Кшыштафам Ажанай перадала інфармацыю, атрыманую ад беларускіх сілавых структур.
Паводле гэтай версіі, чалавек, які цяпер знаходзіцца ў Польшчы і раней быў асуджаны ў Беларусі паводле некалькіх артыкулаў Крымінальнага кодэкса, нібыта рыхтуе тэрарыстычны акт. Сцвярджаецца, што нядаўна польскія ўлады пазбавілі яго дадатковай абароны і права на пражыванне ў краіне.
Як паведамляе беларускі бок, меркаванай мэтай нападу нібыта павінны стаць непаўналетнія дзеці беларускай актывісткі, якая жыве ў Польшчы. Матывам называецца помста за тое, што яна нібыта не прыклала дастатковых намаганняў для захавання гэтай асобай прававога статусу ў Польшчы.
Беларускае МЗС таксама заявіла пра гатоўнасць перадаць польскім кампетэнтным органам дадатковыя звесткі па гэтай справе, калі гэта будзе неабходна.
Прадстаўнік міністра — каардынатара польскіх спецслужбаў Яцэк Дабжыньскі таксама адзначыў, што польскія службы заўсёды сур'ёзна рэагуюць на любую інфармацыю пра магчымыя пагрозы бяспецы. У той жа час ён падкрэсліў, што на этапе праверкі такіх паведамленняў спецслужбы не раскрываюць, якія менавіта меры прымаюцца.
Беларусь папярэдзіла Польшчу пра нібыта рыхтаваны на яе тэрыторыі тэракт
Беларус паўтара года чакаў ПМЖ у Польшчы, а потым атрымаў ліст, што яго карту паляка анулявалі яшчэ чатыры гады таму
Андрэй Пачобут папрасіў прэм’ера Польшчы выдаваць беларусам дакумент замежніка мінімум на тры гады
Падлеткаў, якія вучацца ў Польшчы, пачалі выклікаць на размовы ў КДБ
Цяпер чытаюць
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы28
Каментары