«Кітайцы думаюць. Мы сказалі ім пра кошт і нашы ўмовы».
Увесь пакет акцый ААТ «Беларуськалій» ацэнены ў 30 млрд. даляраў ЗША, паведаміў 24 лістапада журналістам старшыня Дзяржаўнага камітэта па маёмасці Георгій Кузняцоў.
Паводле яго слоў, ацэнку правяло РУП «Інстытут нерухомасці і ацэнкі». Кузняцоў заявіў, што пытанне з продажам акцый «Беларуськалія» «пакуль завісла».
«Напэўна, кітайцы думаюць. Мы сказалі ім пра кошт і нашы ўмовы.Яны думаюць, ці прымальныя гэтыя ўмовы для іх» , — сказаў кіраўнік дзяржкамітэта.
Кузняцоў таксама паведаміў, што падчас візіту Аляксандра Лукашэнкі ў Кітай у кастрычніку
«гэта пытанне асабліва не абмяркоўвалася».
Нагадаем, у жніўні рэспубліканскае ўнітарнае прадпрыемства «ВА «Беларуськалій» было ператворана ў ААТ, 100% акцый якога належаць дзяржаве.
***
«Беларуськалій» быў уключаны ў план прыватызацыі на 2010 год. Як заявіў журналістам 4 жніўня першы
Паводле слоў Сямашкі, ёсць шмат ахвотных купіць «Беларуськалій». Але «цяпер не самы ўдалы момант для продажу», лічыць першы
Раней, у чэрвені 2010 года, Сямашка заяўляў пра гатоўнасць Беларусі прадаць прыкладна 20% акцый «Беларуськалія» за 6–7 млрд. даляраў ЗША.
4 мая 2010 года Аляксандр Лукашэнка ў інтэрв`ю агенцтву Рэйтэр заявіў, што не выключае магчымасці продажу «Беларуськалія».
«Калі будзе добрая цана за акцыі, мы паглядзім, колькі працэнтаў акцый прадаць. Але кантрольны пакет пакуль застанецца ў Беларусі», — заявіў прэзідэнт.
***
«Беларуськалій» — адзін з найбуйнейшых у свеце і самы буйны ў СНД вытворца і пастаўшчыккалійных мінеральных угнаенняў, адно з вядучых прадпрыемстваў — экспарцёраў краіны. Размешчана ў Салігорску (Мінская вобласць). У склад ВА цяпер уваходзяць чатыры рудаўпраўленні. Агульная колькасць работнікаў — каля 20 тысяч. «Беларуськалій» выпускае кожную шостую тону калійных угнаенняў у свеце. Сумесна з ААТ «Уралкалій» з`яўляецца заснавальнікам ЗАТ «Беларуская калійная кампанія» — аднаго з найбуйнейшых пастаўшчыкоў калійных угнаенняў.
Каментары