Галоўны рэдактар газеты «Прессбол» адказаў на пытанні tut.by і "Будзьмы".
«Быць беларусам — што гэта значыць?» — у супольным праекце Budzma.org i TUT.by вядомыя ў сваіх сферах дзейнасці людзі расказваюць, што для іх значыць быць беларусам. На пытанні анкеты адказвае Уладзімір Беражкоў — галоўны рэдактар газеты «Прессбол».
Якое значэнне вы ўкладаеце ў слова беларус/беларуска?
— Беларус — гэта мужчына, беларуска — жанчына.
Якія унікальныя беларускія рысы характару і светагляду ўласцівыя беларусам?
— Сціпласць, дабрыня, талерантнасць, сумленнасць, спагада.
Назавіце
— Я б так пытанне не ставіў. Беларус — гэта не нейкія веды, а стан душы. Тым не менш, адзначу найбольш значныя з майго пункту гледжання і для майго стану душы падзеі ў гісторыі маёй Радзімы:
- 1410 год — Грунвальдская бітва,
1918 год — Беларуская Народная Рэспубліка,
1944 год — вызваленне ад фашысцкай акупацыі,
1990 год — Дэкларацыя аб суверэнітэце Рэспублікі Беларусь,
2002 год — хакеісты Беларусі ў паўфінале Алімпійскіх гульняў,
2004 год — золата Юліі Несцярэнка на Алімпіядзе ў Афінах.
Якія традыцыі павінен ведаць і згодна з якімі павінен жыць беларус?
— Традыцыі сваёй сям’і, свайго народа.
Чым беларускім вы ганарыцеся?
— Асветніцай Ефрасінняй Полацкай, паэтам Максімам Багдановічам, пісьменнікам Васілём Быкавым, ансамблем «Песняры», групай «Ляпіс Трубяцкой», Футбольным клубам БАТЭ…
Без ведання мовы беларус — не беларус?
— Беларус. Калі толькі ён не абвяргае магчымасць і ўмовы для вывучэння і ўжывання роднай мовы.
Як вы бачыце будучыню Беларусі?
— Як самастойнай, незалежнай, светлай дзяржавы — шчаслівага і прыгожага месца пражывання людзей.
Каментары