Міжнародныя рэзервовыя актывы Беларусі, разлічаныя па стандартах МВФ, на 1 снежня 2010 склалі $5705,4 млн, знізіўшыся на $142,8 млн (2,4%) за лістапад, сведчаць дадзеныя Нацыянальнага банка.
З пачатку года аб’ём ЗВР краіны вырас на $52,9 млн (0,9%) з $5652,5 млн на 1 студзеня 2010.
У структуры ЗВР рэзервовыя актывы ў замежнай валюце склалі $2803,9 млн, скараціўшыся на $260,6 млн (8,5%) за лістапад. Пры гэтым з пачатку года іх аб’ём вырас на $284 млн (11,3%).
Манетарнае золата павялічылася за лістапад на $385 млн (32,6%) і на 1 снежня дасягнула $1564,2 млн супраць $ 821,1 млн на пачатак года.
Іншыя актывы на 1 снежня склалі $774,8 млн, што на $958,3 млн (55,3%) менш, чым на пачатак года. За лістапад іншыя актывы знізіліся на $229,8 млн. (22,9%)
СПП (спецыяльныя правы пазычання) склалі $562,5 млн супраць $578,4 млн на 1 студзеня гэтага года.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда16
Каментары