якім пунктам свайго статуту кіравалася арганізацыя, выступаючы ў абарону «ўдзельнікаў масавых беспарадках у г. Мінску 19.12.2010».
якім пунктам свайго статуту кіравалася арганізацыя, выступаючы ў абарону «ўдзельнікаў масавых беспарадках у г. Мінску 19.12.2010».
Запыт тычыцца заявы пратэсту, прынятай ГА «БАЖ» у звязку з падзеямі 19 снежня ў Мінску.
Міністэрства юстыцыі «прапануе» журналісцкай арганізацыі да 24 снежня паведаміць, якім пунктам свайго статуту яна кіравалася, выступаючы ў абарону «грамадскіх актывістаў, што прынялі ўдзел у масавых беспарадках у г. Мінску 19.12.2010».
Афіцыйны ліст за подпісам начальніка ўпраўлення па пытаннях некамерцыйных арганізацый Кірычэнкі прыйшоў у БАЖ па факсе 21 снежня.
«Грамадскае аб’яднанне «Беларуская асацыяцыя журналістаў» выказвае рашучы пратэст супраць шакуючага факту прымянення сілы супрацоўнікамі міліцыі ў дачыненні да журналістаў і грамадскіх актывістаў увечары 19 снежня», — гаварылася ў заяве.
«Я звязваю ліст Мінюста з нядаўняй заявай міністра Галаванава пра намер «даць ацэнку ўдзелу палітычных партый і грамадскіх аб’яднанняў у акцыі апазіцыі ў дзень прэзідэнцкіх выбараў 19 снежня, — пракаментаваў ліст намеснік старшыні ГА «БАЖ» Андрэй Бастунец. — Мы дашлем адказ ва ўказаны ў лісце тэрмін. Але сам зварот Мінюсту я расцэньваю як умяшальніцтва ў свабоду выказвання меркавання, гарантаванае Канстытуцыяй (арт. 33, 34)».
Паводле арт. 33 Канстытуцыі, «кожнаму гарантуецца свабода меркаванняў, перакананняў і іх свабоднае выказванне».
Паводле арт. 34 Канстытуцыі, «грамадзянам Рэспублікі Беларусь гарантуецца права на атрыманне, захаванне і распаўсюд поўнай, праўдзівай і своечасовай інфармацыі пра дзейнасць дзяржаўных органаў, грамадскіх аб’яднанняў, пра палітычнае, эканамічнае, культурнае і міжнароднае жыццё…»
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары