Польшча звярнулася да ЗША з просьбай аб прадстаўленні фінансавай падтрымкі беларускім дысідэнтам. Польскі пасол у ЗША Роберт Купіцкі параўнаў дзеянні дэмакратычных актывістаў у Беларусі з рухам «Салідарнасць» у Польшчы, які існаваў за часамі камунізму.
Ён удакладніў, што запрашае ЗША ў ліку іншых краін на донарскую канферэнцыю па падтрымцы руху супраць Аляксандра Лукашэнкі, якая адбудзецца ў пачатку лютага ў Варшаве.
У сваю чаргу ЗША абяцаюць дадатковыя санкцыі ў дачыненні да Мінску.
Упершыню візавыя санкцыі былі ўведзеныя ў 2004 годзе ў дачыненні да чатырох беларускіх чыноўнікаў, да 2006 года ў спіс увайшоў ужо 41 чалавек.
У кастрычніку 2008 кіраўнікі МЗС краін ЕС упершыню прыпынілі на паўгода дзеянне санкцый для 36 чыноўнікаў. З тых часоў Еўрасаюз некалькі разоў прымаў рашэнне аб падаўжэнні санкцый і адначасова аб мараторыі на іх прымяненне. Пры гэтым на пецярых чалавек дзеянне мараторыя не распаўсюджвалася.
Цяпер чытаюць
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы22
Каментары