Студэнтаў Беларускага дзяржаўнага ўнівэрсытэту ня будуць адлічваць за ўдзел у несанкцыянаваным мітынгу 19 сьнежня ў Менску, але яны будуць пакараныя за парушэньне правілаў унутранага распарадку ВНУ.
Пра гэта паведаміў рэктар БДУ Сяргей Абламейка ў сваім відэаблогу на афіцыйным сайце ВНУ.
«На жаль, на плошчы апынуліся некаторыя студэнты БДУ, і мы цяпер праводзім аналіз, чаму і як яны там апынуліся», — заявіў Абламейка.
Рэктар паведаміў, што гэтыя студэнты парушылі правілы ўнутранага распарадку БДУ, згодна зь якімі яны «абавязаныя не ўчыняць дзеяньняў, за якія прадугледжана адміністрацыйная або крымінальная адказнасьць, а таксама наведваць заняткі ў вызначаныя тэрміны і выконваць патрабаваньні, прадугледжаныя праграмамі і плянамі».
Цяпер факультэты сабралі тлумачальныя ва ўдзельнікаў мітынгу і рыхтуюць іх да падачы ў рэктарат, піша БелаПАН.
Што да пакараньня, то «гэта будуць вымовы ці заўвагі», паабяцаў рэктар БДУ Сяргей Абламейка.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы5
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары