Сутыкнуліся два маршрутныя таксі і легкавы аўтамабіль.
У нядзелю 23 студзеня па вул. Пушкіна ў Бабруйску адбылася аварыя. Два маршрутныя таксі (№ 6 і № 13) і легкавы аўтамабіль сутыкнуліся непадалёк ад Дзіцячага парка.
Усе аўтамабілі амаль адразу пачалі гарэць. У адным з мікрааўтобусаў знаходзіўся балон з газам. Больш за 10 чалавек апынуліся заблакаванымі ў ахопленых полымем машынах. Паводле словаў пацярпелых, ім прыйшлося літаральна прарывацца праз вогнішча.
Большасць пасажыраў атрымалі апёкі рознай ступені цяжкасці і пераломы, двое з іх знаходзяцца у цяжкім стане ў рэанімацыі.
Паводле папярэдніх звестак, прычынай аварыі стаў легкавы аўтамабіль, які не саступіў дарогу мікрааўтобусу і на вялікай хуткасці сутыкнуўся з ім на перакрыжаванні Маскоўскай і Пушкіна. У паветры адразу з’явіўся пах газу. Выратавальнікі, якія прыбылі на месца здарэння, адразу ачапілі тэрыторыю і пачалі ізаляваць небяспечны балон.
Каментары