Паводле аператыўных даных, у выніку моцнага ветру (да 25 м/с), выкліканага праходжаннем цыклону "Нікалас", 8—9 лютага ў Беларусі пацярпелі восем населеных пунктаў у Гомельскай, Гродзенскай, Мінскай і Магілёўскай абласцях.
Паводле інфармацыі Міністэрства па надзвычайных сітуацыях, пашкоджаныя дахі чатырох жылых дамоў, аднаго аб'екта сацкультбыту, аднаго вытворчага і двух сельскагаспадарчых будынкаў.
Паводле даных ДВА "Белэнэрга", на тэрыторыі краіны, былі абясточаныя 1.318 населеных пунктаў (у 257 электразабеспячэнне пакуль не адноўлена).
У Мінску у Курасоўшчыне, у выніку раставання снегу, моцных ападкаў і ўздзеяння ветравой нагрузкі пашкоджаныя чатыры апоры атракцыёну (рэйкавыя санкі), адбыўся сход земляной масы са схілу гарналыжнага цэнтра "Сонечная даліна".
У вёсцы Буда Калінкавіцкага раёна Гомельскай вобласці адбылося адключэнне электразабеспячэння ў шасці птушніках сельскагаспадарчага філіяла "Дудзічы" адкрытага акцыянернага таварыства "Калінкавічыхлебапрадукт". Работнікамі МНС сумесна з аварыйнай брыгадай Калінкавіцкіх РЭС з выкарыстаннем перасоўнага генератара электразабеспячэнне адноўлена. Пагрозы гібелі куранят няма.
У Гродне ў выніку падзення дрэў пашкоджаныя чатыры легкавыя аўтамабілі.
Пацярпелых няма. Аварыйнымі брыгадамі вядуцца аднаўленчыя работы.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары