"Плянка ў 10 000 прададзеных дыскаў для беларускіх музыкаў пакуль недасягальная", - кажа дырэктар "Містэрыі гуку" Аляксандар Шлык. Пасьпяховым лічыцца той беларускі альбом, які разышоўся цягам году накладам болей за 1000 асобнікаў.
Музыку "Старога Ольсы" купляюць часьцей за іншы беларускі фольк.
Фота Андрэя Лянкевіча
"Плянка ў 10 000 прададзеных дыскаў для беларускіх музыкаў пакуль недасягальная", - кажа дырэктар "Містэрыі гуку" Аляксандар Шлык. Пасьпяховым лічыцца той беларускі альбом, які разышоўся цягам году накладам болей за 1000 асобнікаў.
На мінулым тыдні свае ўзнагароды ўручылі прадусэр Адам Старповіч і дырэктар дыскарні "Містэрыя гуку" Аляксандар Шлык. Паказьнікам былі продажы дыскаў цягам году. Заснавальнікі лічаць гэты крытэр найбольш аб'ектыўным.
"Можна слухаць сотні песень на радыё, але на палічку ў пакоі слухач пакладзе той дыск, які яму спадабаўся. Папулярнасьць выяўляецца запатрабаванасьцю", - кажа А.Старповіч. Ён прызнае, што ў Беларусі не існуе адзінай электроннай сеткі маніторынгу продажаў, як у іншых цывілізаваных краінах, высокі ўзровень пірацтва, але мяркуе, што варта пачаць вылучаць лідэраў продажаў ужо цяпер. Для гэтага і была абраная сетка музычных крамаў "Містэрыя гуку" - як адна з самых паказальных у краіне.
У пятніцу ў клюбе "Ізюм" былі названыя пераможцы ў дзевяці намінацыях. У разьлік бралася агульная колькасьць прададзеных дыскаў цягам 2005 году. Але дакладная лічба не называлася. "Магу сказаць толькі, што плянка ў 10 000 прададзеных дыскаў для беларускіх музыкаў пакуль недасягальная", - кажа А.Шлык. Пасьпяховым лічыцца той беларускі альбом, які разышоўся цягам году накладам болей за 1000 асобнікаў.
Сярод фольк-выканаўцаў лідэрам продажаў была абвешчана "Сярэднявечная дыскатэка" ад "Старога Ольсы", "Не як усе" ад "Нестандартнага варыянту" - самым прадавальным хіп-хоп рэлізам.
у альтэрнатыўнай музыкі няма роўных "Куклам" (альбом "Дысцыпліна хаосу"). У рок-музыцы лідэр-дыск "Красавік" ад "J_Mors", у поп - альбом "Атлянтыкі". У дзьвюх намінацыях фігуруе "Крамбамбуля".
Цікавая сытуацыя ў шансоне: 3-е месца - "Старыя сябры" Віктара Каліны, другое - "Дзяўчынка-свавольніца" яго ж, 1-е скарылася альбому "Гарэзьлівы гуляка" Віктара Каліны. Падобная сытуацыя ў намінацыі "Складанка году": ляўрэатамі сталі дыскі "Песьня году" розных пэрыядаў.
"Альбомы, выдадзеныя на пачатку году, мелі большыя шанцы. Затое дыскі, выдадзеныя пры канцы году, будуць мець большыя шанцы налета", - камэнтуе сытуацыю А.Старповіч.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна3
Каментары