"Planka ŭ 10 000 pradadzienych dyskaŭ dla biełaruskich muzykaŭ pakul niedasiahalnaja", - kaža dyrektar "Misteryi huku" Alaksandar Šłyk. Paśpiachovym ličycca toj biełaruski albom, jaki razyšoŭsia ciaham hodu nakładam bolej za 1000 asobnikaŭ.
Muzyku "Staroha Olsy" kuplajuć čaściej za inšy biełaruski folk.
Fota Andreja Lankieviča
"Planka ŭ 10 000 pradadzienych dyskaŭ dla biełaruskich muzykaŭ pakul niedasiahalnaja", - kaža dyrektar "Misteryi huku" Alaksandar Šłyk. Paśpiachovym ličycca toj biełaruski albom, jaki razyšoŭsia ciaham hodu nakładam bolej za 1000 asobnikaŭ.
Na minułym tydni svaje ŭznaharody ŭručyli praduser Adam Starpovič i dyrektar dyskarni "Misteryja huku" Alaksandar Šłyk. Pakaźnikam byli prodažy dyskaŭ ciaham hodu. Zasnavalniki ličać hety kryter najbolš abjektyŭnym.
"Možna słuchać sotni piesień na radyjo, ale na paličku ŭ pakoi słuchač pakładzie toj dysk, jaki jamu spadabaŭsia. Papularnaść vyjaŭlajecca zapatrabavanaściu", - kaža A.Starpovič. Jon pryznaje, što ŭ Biełarusi nie isnuje adzinaj elektronnaj sietki manitorynhu prodažaŭ, jak u inšych cyvilizavanych krainach, vysoki ŭzrovień piractva, ale miarkuje, što varta pačać vyłučać lideraŭ prodažaŭ užo ciapier. Dla hetaha i była abranaja sietka muzyčnych kramaŭ "Misteryja huku" - jak adna z samych pakazalnych u krainie.
U piatnicu ŭ klubie "Izium" byli nazvanyja pieramožcy ŭ dzieviaci naminacyjach. U raźlik brałasia ahulnaja kolkaść pradadzienych dyskaŭ ciaham 2005 hodu. Ale dakładnaja ličba nie nazyvałasia. "Mahu skazać tolki, što planka ŭ 10 000 pradadzienych dyskaŭ dla biełaruskich muzykaŭ pakul niedasiahalnaja", - kaža A.Šłyk. Paśpiachovym ličycca toj biełaruski albom, jaki razyšoŭsia ciaham hodu nakładam bolej za 1000 asobnikaŭ.
Siarod folk-vykanaŭcaŭ lideram prodažaŭ była abvieščana "Siaredniaviečnaja dyskateka" ad "Staroha Olsy", "Nie jak usie" ad "Niestandartnaha varyjantu" - samym pradavalnym chip-chop relizam.
u alternatyŭnaj muzyki niama roŭnych "Kukłam" (albom "Dyscyplina chaosu"). U rok-muzycy lider-dysk "Krasavik" ad "J_Mors", u pop - albom "Atlantyki". U dźviuch naminacyjach fihuruje "Krambambula".
Cikavaja sytuacyja ŭ šansonie: 3-je miesca - "Staryja siabry" Viktara Kaliny, druhoje - "Dziaŭčynka-svavolnica" jaho ž, 1-je skaryłasia albomu "Hareźlivy hulaka" Viktara Kaliny. Padobnaja sytuacyja ŭ naminacyi "Składanka hodu": laŭreatami stali dyski "Pieśnia hodu" roznych peryjadaŭ.
"Albomy, vydadzienyja na pačatku hodu, mieli bolšyja šancy. Zatoje dyski, vydadzienyja pry kancy hodu, buduć mieć bolšyja šancy naleta", - kamentuje sytuacyju A.Starpovič.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy3
Kamientary