Мядзведзеў выказаў спачуванне Лукашэнку ў сувязі з тэрактам і прапанаваў дапамогу
Увечары 11 красавіка прэзідэнт Расіі Дзмітрый Мядзведзеў патэлефанаваў Аляксандру Лукашэнку і "выказаў глыбокія спачуванні ў сувязі з трагедыяй, што адбылася ў мінскім метро, дзе ў выніку выбуху загінулі і атрымалі раненні дзясяткі чалавек", паведаміла прэс-служба Крамля.
"У Расіі шчыра суперажываюць з братнім беларускім народам боль незаменных стратаў і цяжар бяды, што напаткала беларусаў, — гаворыцца ў паведамленні. — Дзмітрый Мядзведзеў прасіў перадаць словы падтрымкі сваякам загінулых, пажаданні найхутчэйшага выздараўлення пацярпелым. Падкрэслівалася гатоўнасць аказаць усю неабходную дапамогу і садзеянне".
Расія "гатова аказаць усё неабходнае садзеянне пацярпелым у выніку тэракта, у тым ліку прыняць іх у выпадку неабходнасці ў расійскіх клініках". Міністру аховы здароўя і сацыяльнага развіцца Таццяне Голікавай "дадзеныя неабходныя даручэнні".
Прэзідэнт Расіі "прапанаваў беларускаму боку ўсю неабходную дапамогу ў правядзенні раследавання гэтага злачынства, пошуку арганізатараў і выканаўцаў тэракта". Мядзведзеў выказаўся таксама за тое, каб "актывізаваць узаемадзеянне па лініі спецслужбаў, каб дапамагчы беларускім калегам у расследаванні гэтага злачынства, у пошуку яго выканаўцаў і замоўцаў". Адпаведнае даручэнне ён даў дырэктару Федэральнай службы бяспекі Аляксандру Бортнікаву.
"Хто б ні быў арганізатарам гэтага тэракта і што б ні меў на мэце — гэта найцяжэйшае злачынства, якое прывяло да гібелі ні ў чым не вінаватых людзей", — заявіў Мядзведзеў.
-
У Беразіне прачнуліся пчолы. Дзяўчынка, якая іх пабачыла, скарыла тыкток
-
«Беларусы і ў Дубаі беларусы». Як суайчыннікі арганізавалі дапамогу тым, хто не можа вярнуцца дамоў праз закрытае неба
-
«Пад канец адпачынку даведаліся, што тут няма сховішчаў». Беларусы, што знаходзяцца ў ААЭ, расказалі, як ім там цяпер
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары